________________
પ્રતિભાસંપન્ન સાધ્વીજી પ પૂ આચાર્યદેવ શ્રીમદ્ વિજયઈન્દ્રદિનસૂરીશ્વરજી મ. સા.
જૈન ભારતી મહત્તરા સાધ્વી શ્રી મૃગાવતીજી મહારાજના સ્વર્ગવાસના સમાચાર સાંભળી હાર્દિક દુ:ખ થયું છે.
વિદુષી સાધ્વીજીનું વ્યક્તિત્વ બહુમુખી હતું. એમનું ગહન અધ્યયન અને પ્રતિભાસંપન્ન વ્યક્તિત્વ જૈન સમાજ માટે ગૌરવનો વિષય હતાં.
પંજાબ કેસરી યુગવીર પ.પૂ. વિજયવલ્લભસૂરીશ્વરજી મહારાજના સામયિક ચિંતનથી પ્રભાવિત થઇ મૃગાવતીજી એમનાં આજ્ઞાવર્તિની બન્યાં અને એમના વિચારોના પ્રચાર માટે સમસ્ત દેશમાં વિહાર કર્યો. ગામેગામ અને નગર-નગરમાં વ્યાખ્યાન આપી ભારતીય સંસ્કૃતિની પરંપરાઓને અક્ષણ રાખવા માટે એમણે યુવાશક્તિને પ્રેરણા આપી
હતી.
સામાજિક સંગઠનને મજબૂત બનાવી અને દહેજ પ્રથા સામે અવાજ ઉઠાવી એમણે દેશની નૈતિક જાગૃતિમાં ફાળો આપ્યો.
દિલ્હીમાં નિર્માણાધીન ‘વલ્લભસ્મારક’ માટે તેઓ સમર્પિત હતાં. જૈન સમાજનું આ મહાન સ્મારક સૌ કોઇના આકર્ષણનું કેન્દ્ર બની રહેશે. આ સ્મારક વિજયવલ્લભસૂરીશ્વરજી મહારાજની પુણ્યસ્મૃતિમાં બની રહ્યું છે. મૃગાવતીજીએ સ્મારક સ્થળે રહી સ્મારક માટે પોતાનું જીવન આપી દીધું.
મૃગાવતીશ્રીએ કાંગડા તીર્થના ઉદ્ધારમાં પણ અગ્રણી રહી પ્રાચીન તીર્થના પુનરુદ્ધાર માટે પ્રેરણા આપી હતી.' એમના જવાથી સમગ્ર જૈન સમાજને ઊંડો આઘાત લાગ્યો છે. એમની ખોટ પુરાય એવી નથી.
વલ્લભ સ્મારક પરિપૂર્ણ થાય એ એમની અંતિમ ભાવના હતી. સૌ ભાઇબહેનો એ કાર્યની અભિવૃદ્ધિ માટે સહયોગ આપે એ એમના પ્રત્યે સાચી શ્રદ્ધાંજલિ છે.
મહત્તરા શ્રી મગાવતીશ્રીજી
