________________
વિશ્વોદ્ધારક શ્રી મહાવીર આત્મામાં ઝઘમગવા લાગ્યા. તેમના રોમે-રોમ સૂર્યકિરણનું સંગીત વહેવા લાગ્યું. આમ્રપાળે ટહૂકતી કોકિલાનો ચેતના સભર સૂર તેમને જાતિની પ્રેરણા પાતો થે. ફૂલમાં ડેલતા ભ્રમરા આત્મકુસુમની સરિતા પ્રત્યે તેમને વિશેષ આકર્ષણ દેતા થયા તેમની આસપાસ વિશ્વને સનાતન આનંદ સિધુ ઊછળતો થયો. તેમને તે આનંદનો પ્રવાહ પ્રાણીમાત્રને આંગણે વહેતો કરવા માટે તેઓ વિવશ બન્યા. સંસારની વાસનાનો પ્રત્યાઘાત તેમને હવે ભારરૂપ લાગે. નિર્મળ આકાશનું નીલમરંગી ચિત્ર તેમના અંતરમાં આદિ-અનાદિ શાશ્વત સત્યો પેદા કરવા લાગ્યું. સાધુજીવન આડે બે વર્ષને પડદે હતા, તેમાંથી અમુક દિવસો પસાર થઈ ગયા. ચિર વિગને અંતે માતાને ભેટતા પુત્રની જેમ શ્રી મહાવીર દીક્ષા વડે પ્રકાશને ભેટવા ઉત્સુક બન્યા. દિવસો જેમ ઘટવા માંડયા, તેમ તેમના અંતરનું આનંદ સંગીત જેસભેર પ્રકાશવર્તુળ રચવા લાગ્યું. દિવસ ને રાત સાધુજીવનની ઉજળી પૂર્ણિમાના ચંદનપ્રકાશમાં તરવા લાગ્યા. દિવસો ખલાસ થવા આવ્યા. ભાઈ નંદિવર્ધનને જઈને તેમણે તત્સંબંધી વાત કરી. સજળ નેત્રે ભાઈએ હકાર ભણે.
આ બાજુ શ્રી મહાવીર દીક્ષા અંગે તલપાપડ થઈ રહ્યા હતા, જ્યારે બીજી બાજુની દુનિયામાં વૈરવિરોધને હિંસાનું બળ જામતું હતું. વધતા જતાં અમાનુષિ કર્તવ્યની ઝાળથી દુનિયાનું શાશ્વત સત્ય લેપાવા લાગ્યું, ઉચ્ચ ભૂમિના દેવ આનાથી ગભરાયા. તેઓ પ્રકાશપુત્ર શ્રી મહાવીરને મંદિરે આવ્યા. પ્રભુને સ્તવ્યા અને દુનિયાના અંધારામાં આત્માનું અમીઝરણું વહાવવા માટે સાધુજીવન અંગીકાર કરવાની વિનંતિ કરી. વીર મહાવીર હતા. તેમનું જીવનખમીર આત્માના તેજસ્તંભો ઊભા કરવા માટે સર્વ કાળે તૈયાર હતું. દેવને આશ્વાસન આપી રવાના કર્યા અને તેમણે દીક્ષાના દિવસથી એક સાલ અગાઉથી વાર્ષિકદાન આપવાની શરૂઆત કરી.
