________________
સમરાંગણમાં જીતવા લડવૈયા સૈનિક માટે તલવારની ધારનું મહત્વ છે. મ્યાનનું નહી. હીરા-મણી-રત્ન જડીત મ્યાનમાં બુઠ્ઠી તલવાર શું કામની? શરીર કે બાહ્ય દેખાવ મ્યાન સમાન છે. આત્મા જ તરવાર સમાન છે. જ્ઞાનદર્શન ચારિત્ર્ય અને તપની સરાણે આત્માને ઘારદાર બનાવતા સંતો જ અષ્ટ કર્મના કાલિનાગને કર્મ યુધ્ધમાં પરાસ્ત કરી શકે છે.
માખણને અગ્નિ લાગતો ઓગળી જાય પણ સંતોના હૃદયતો માખણ કરતાં પણ કોમળ હોય છે. બીજાને અગ્નિ લાગે પીડા વેદના થાય તો પણ સંતોના હૃદય દ્રવી જાય છે.
સંત, ખુદ અત્તરની દુકાન છે. અત્તરની દુકાન પર બેસો સુગંધ મળ્યા જ કરશે. આપણે માત્ર દુકાન પર બેસી રહેવાનું છે. માગ્યા વગર વિવિધ પ્રકારની સુગંધ માણ્યા કરીએ. સંતનું સાન્નિધ્ય કંઈક એવું જ છે. આપણે માત્ર નિશ્રામાં બેસવાનું છે. અનેક જિજ્ઞાસુઓ આવશે, મુંઝવણો લઈને આવશે, સમસ્યાઓ લાવશે. સંત તેની તરસ છીપાવશે અને સમાધાન આપણને મળી જાશે.
આમ સંતનું સાનિધ્ય આપણાં માટે સુગંધપર્વ બની રહેશે.
= વિચારમંથન F
૩૧
