________________
જ પહોંચવાના ધ્યેયયુક્ત હોવી જોઇએ. પ્રાથમિક દશાથી શરૂ થયેલી કવિની યાત્રાએ પરમાર્થદશા સુધી પહોંચવાનું છે.
પ્રભુની પ્રતિમા કે મંદિરનાં શિલ્પો, ભક્તિસંગીત, પ્રેરણાદાયક જીવનચરિત્રો, દૃષ્ટાંતકથાઓ, આત્મકથાઓ, લેખ, કાવ્યો, નિબંધ કે કલાનાં વિવિધ સ્વરૂપોના સર્જનનું અંતિમ લક્ષ્ય આત્મશ્રેય હોય તો જ કલ્યાણકારક બની શકે.
સંગીત, સાહિત્ય કે વિવિધ કલાઓના વાહક, સમૂહમાધ્યમોનું કોમ્પ્યુટર સાથે જોડાણ, ઇન્ટરનેટ, વીડિયો, ઓડીઓ, પુસ્તકો, વર્તમાનપત્રો, સામયિક પ્રકાશન જાણે માનવજીવન પ્રવાહ સામે એક ધસમસતું પૂર કે વાવાઝોડું આવ્યું છે. માત્ર આંખ મીંચી દેવાથી પૂર ઓસરશે નહિ કે વાવાઝોડું શાંત થશે નહિ. સસલાંવૃત્તિને બદલે આ આક્રમણનો સામનો કરી પૂરના પ્રવાહને યોગ્ય રીતે વાળીશું તો તે વિનાશને બદલે નવરચનાનું નવસર્જનનું કે કલ્યાણનું કાર્ય કરશે.
આ અંગેના કાર્યક્રમોની વિચારણા વખતે શ્રીમદ્ભુની સાહિત્ય, સંગીત કે કલા આત્માર્થે જ હોય તે વાત દીવાદાંડી સમાન બની રહેશે કારણકે વિવિધ કલાઓ એ સાહિત્યજીવનનું એક અંગ છે જીવનને ધડવામાં જીવનને સુસંસ્કૃત બનાવવામાં તેનું ઘણું મોટું યોગદાન છે માટે તે ક્ષેત્રની વિશુદ્ધિ માનવજીવનને ઊંચાઇ પર લઇ જશે.
વિચારમંથન
૧૬૯
