________________
શાક સમારવાના સ્ટેન્ડ ચાકુ-છરી વગેરે સાધનો ધોયા વિના બન્ને પ્રકારની વાનગી માટે વપરાય છે. પ્રીઝરવેશન માટેના ડીપ ફ્રીઝમાં બન્ને પ્રકારની વાનગી સાથે જ રાખવામાં આવે છે. એક જ રસોઈયો હાથ ધોયા વિના જ માંસાહારી વાનગી બનાવ્યા પછી તુર્ત જ શાકાહારી વાનગી બનાવે છે. હોટલ કે રેસ્ટોરાં ભલે તે નાની હોય કે મોટી પરંતુ જ્યાં શાકાહારી-માંસાહારી (વેજ-નોનવેજ) એક જ સાથે હોય ત્યાં આવું બનવું સહજ સંભવિત છે.
આવી રેસ્ટોરાંમાં જમીને કોઈ એક વ્યક્તિ એમ માને કે મેં શાકાહારી ભોજન લીધું તો તે નર્યો ભ્રમ છે. હોટલ એક વ્યવસાય છે ધર્માનુશાસન નથી. જેથી હોટલ માલિકો શાકાહારીઓની ધાર્મિક ભાવનાની માવજત કરે તે અપેક્ષા ઉચિત નથી. શાકાહારીઓએ આવી રેસ્ટોરાંનું પાણી સુધ્ધા પીવું વર્જ્ય હોવું જોઈએ.
શાકાહારનો વિચાર અને આચાર માત્ર પેટ ભરવા માટે નહિ પરંતુ લોહીની નદીઓ બંધ કરવા માટે છે. ક્રૂરતાને બદલે વાત્સલ્ય પ્રેમ અને કરૂણાના સંસ્કાર માટે છે. વ્યક્તિગત અને કુટુંબ જીવનની સુખશાંતિ માટે છે. વર્તમાન જીવન સમાધિમય બનાવવાને અને પરિલોકિક હિતને માટે છે.
૮૨
વિચારમંથન
