________________
દસમી પંચવર્ષીય યોજનાનું સૂત્ર જય કિસાન કે જય કસાઈ?
સ્વતંત્રભારતના સર્વાગી વિકાસ માટે આયોજનપંચની રચના કરવામાં આવી. દેશના વિવિધલક્ષી વિકાસ માટે આ આયોજનપંચ (પ્લાનિંગ કમિશન) દ્વારા નવપંચવર્ષીય યોજનાઓની ભેટ મળી. હવે દસમી અજાયબી જેવી ભેટ આપવાની સરકાર દ્વારા જોરશોરમાં તૈયારી ચાલી રહી છે.
સ્વતંત્ર ભારતના ઘડવૈયાઓએ જ્યારે પંચવર્ષીય યોજનાની ભલામણ કરી ત્યારે અનેક બાબતોને લક્ષમાં લઈ પંચવર્ષીય યોજનાઓ બનાવવાની સલાહ આપવામાં આવી હતી. માત્ર આર્થિકવૃદ્ધિના વિકાસદરનું લક્ષ દેશની પ્રજાને સુખી ન કરી શકે.
પ્રજાની નીતિમત્તા, માનસિક અને શારીરિક આરોગ્ય અને પર્યાવરણ જેવા અગત્યના મુદ્દાઓને લક્ષમાં રાખીને પંચવર્ષીય યોજનાઓ બનાવવામાં આવે તો જ તે પ્રજાનું સાચા અર્થમાં કલ્યાણ થઈ શકે. વિવેકચક્ષુને બંધ કરી વિકાસ પાછળ આંધળી દોટ મૂકનારી સરકાર કેટલા અકસ્માતો કરશે?
આયોજનપંચ દ્વારા, નિષ્ણાત સમિતિઓની સલાહ દ્વારા ૨૦૦૨ થી ર૦૦૭ માટે ભારતની દસમી પંચવર્ષીય યોજના તૈયાર થઈ રહી છે. આ યોજના અંતર્ગત “માંસ વ્યવસાયના આયોજનના પ્રાસ્તવિક મુદ્દાઓ જીવદયા અને પરાકલ્યાણનાં કાર્યો કરનાર વ્યક્તિ અને સંસ્થાઓ માટે ચોંકાવનારા છે.
યોજનાના પ્રસ્તાવ દ્વારા આયોજનપંચ દેશની લીલોતરી – હરિયાળીને પશુઓના લોહી દ્વારા રક્તરંજિત લાલીમા આપવા કટિબદ્ધ છે.
આયોજનપંચના નિષ્ણાત સલાહકારોએ રાજ્ય પશુસંરક્ષણ અધિનિયમોની સમીક્ષા અને સુધારા અંતર્ગત ભેંસોની કતલ પર પ્રતિબંધ દૂર કરવાની ભલામણ કરી છે. દૂધ દેવાવાળી ભેંસ દેશના પાલતુ પશુઓમાં આગલી હરોળમાં છે. કુદરતી ખાતર અને બળતણની પૂર્તિ કરનાર છે. દેશની સંપત્તિ સમાન પશુઓની કતલ કરી પ્રજાની સમૃદ્ધિ અને કલ્યાણમાં કઈ રીતે વૃદ્ધિ થશે એવી આ સલાહકારોને કોણ સલાહ દેશે?
૩ વિચારમંથન
૧૦૧
E
–
