________________
પ્રતિબંધિત નથી કરતા તે રાષ્ટ્ર પ્રજાના આરોગ્યની પાયમાલી કરે છે. માનસિક સ્વસ્થતા અને પારિવારિક સંતુલનને હાનિ કરે છે.
પ્લાનિંગ કમિશનની સલાહકાર પેનલના પાંચ સભ્યોમાંથી બે સભ્યો શ્રી ઈરફાન અલ્લાના અને શ્રી સતીશ સબરવાલ તો માંસ નિકાસ અને કતલખાના ચલાવવાના ઉદ્યોગ સાથે સંકળાયેલા છે. તેની પાસે બીજી કઈ સલાહની અપેક્ષા રાખી શકાય? “ઘરના ભૂવા અને ઘરના ડાકલા અને મોસાળે જમણ અને મા પીરસણીએ” જેવો આયોજનપંચનો ઘાટ છે. પરિયોજનાના આ વિવાદાગ્રસ્ત મુદ્દા પર પ્રચંડ જનમતનો સંપૂર્ણ પ્રભાવ પડશે. દેશમાં કતલખાના અને માંસનિકાસ વધારવાથી આર્થિક સમૃદ્ધિ કદાપિ આવવાની નથી. દયા, કરૂણા જેવા માનવીય મૌલિક ગુણોને ભોગે ભોતિકસમૃદ્ધિ પ્રજાનું હરગીજ કલ્યાણ ન કરી શકે.
પોતાના વિકાસ કે વિસ્તારના માર્ગમાં અવરોધરૂપ બને તેની કતલ કરવી તે પશ્ચિમની યંત્રસંસ્કૃતિની રીત છે. ભારતનાં આર્થિક થાણાઓ કબજે કરવામાં ગૌવંશ, ભારતનું પશુધન અને કેટલાય સ્વદેશપ્રેમીઓ અવરોધરૂપ છે. એ અદૃશ્ય બળોની તલવાર અને માનવી વચ્ચે પશુનું મસ્તક માત્ર છે. આ મૂંગા પશુઓ ખતમ થશે પછી તલવાર કોના મસ્તક પર હશે?
માંસની નિકાસને બદલે કલાકારો, બુધ્ધિશાળીઓ અને ઉદ્યોગપતિઓને ઈન્ફરમેશન ટેક્નોલોજી, કલાના નમૂનાઓનું સર્જન, ઘરઆંગણાના ઉદ્યોગોને પ્રોત્સાહન અને રોજગારી મળે તેવા ઉદ્યોગોને ઉત્તેજન આપી નિકાસમાં વધારો કરી શકશે. ઉપભોક્તાવાદને બહેકાવવા કરતાં વિવેકપૂર્ણ ઉપયોગની સંસ્કૃતિને પુરસ્કૃત કરવાથી જ માનવજાતનું કલ્યાણ થશે.
આશા છે દસમી પંચવર્ષીય યોજના માટેના આયોજન પંચના ડ્રાફ્ટની રચના કરતી વખતે સંપૂર્ણ ગૌવંશ હત્યાપ્રતિબંધ અને માંસની આયાત નિકાસને સંપૂર્ણ પ્રતિબંધિત કરવાની જોગવાઈને ધ્યાનમાં લેવામાં આવશે, કારણ કે શ્રી ઋષભદેવનો વૃષભ (બળદ), શ્રીકૃષ્ણની ગાય અને ભગવાન શંકરનો નંદી આ ત્રણેમાં વિશ્વના દેવી અંશો અભિપ્રેત છે.
= ૧૦૬
| વિચારમંથન
