________________
દસમી પંચવર્ષીય યોજનાના આયોજકોની બીજી ભયંકર સલાહ છે કે “ગાય આધારિત અર્થવ્યવસ્થા સુધારવા માટે બળદના વધ માટેની ઉમરનો પ્રતિબંધ વાસ્તવિક કરી અને ગૌમાંસ નિકાસ પરનો પ્રતિબંધ સંપૂર્ણ હટાવી લેવો.”
વિશ્વચેતનાના પાયામાં ઊભેલી ગાય અને ગૌવંશને ખતમ કરી નાખવાનું આ ષડયંત્ર છે. જીવતી ગાય રાષ્ટ્રની સંપત્તિ છે. ભારતની ગ્રામીણ અર્થવ્યવસ્થાની પાયાની ઈંટ છે. બળદોની કતલ એટલે તેના પર જીવનનિર્વાહ કરનારાઓની કતલ. ગરીબ ખેડૂતોને ટ્રેક્ટરની સેવા પૂરી પાડનાર બળદ. ખાતર, અને ઈંધણ પૂરા પાડનાર બળદ, ગ્રામીણઅર્થવ્યવસ્થાનું કેન્દ્રબિંદુ છે.
ભારતીય સંસ્કૃતિ પર કુઠારાઘાત કરી તેના મૃતકલેવરની નિકાસ કરી હુંડિયામણ રળવાની યોજના કરનાર આયોજનપંચને સમગ્ર દેશમાંથી નિકાસ કરી હુંડિયામણ રળવા માટે બીજી કોઈ ચીજ ન મળી?
આ પરિયોજનાના સલાહકાર નિષ્ણાતોએ સલાહ આપી છે કે “કતલખાનાં સ્થાપવાનો અધિકાર સ્થાનિક સત્તાઓને બદલે રાજ્ય સરકારને આપવો અને ગ્રામીણ ક્ષેત્રોમાં કતલખાનાં સ્થાપવા.”
હકીકતમાં સ્થાનિક સરકાર કે સ્થાનિક સત્તાધારીઓને જ પોતાના પરિસરમાં પોસ્ટ્રી ફાર્મ-કતલખાનાં જેવા વ્યવસાય ચલાવવા દેવા કે નહીં તેની પસંદગીનો અધિકાર હોવો જ જોઈએ. પર્યાવરણ અને અન્ય પરિસ્થિતિથી વાકેફ સ્થાનિક સત્તાઓ જ હોય, માટે તેનો અધિકાર છીનવી લેવો તે અન્યાય છે.
ગ્રામીણ ક્ષેત્રોમાં કતલખાના સ્થાપીને સરકાર શું સિદ્ધ કરવા માગે છે? આપણા ખેડૂતો હળ ચલાવીને પોતાનું પેટ ભરે છે અને યત્કિંચિત રાષ્ટ્રની સમૃદ્ધિમાં વધારો કરે છે. શું સરકાર ગામડામાં ખેતીના પવિત્ર વ્યવસાય સાથે જોડાયેલા લોકોને પશુઓના માથા કાપવાનાં ખૂની વ્યવસાયમાં લઈ જવા માગે છે? જીવો અને જીવવા દો, એ સહઅસ્તિત્વના સિદ્ધાંતનો છેદ ઉડાડવા માગે છે? આમ જ હોય તો દસમી પંચવર્ષીય યોજનાની પરિચય પુસ્તિકામાં જય કિસાનને બદલે જય કસાઈનું સૂત્ર છાપવું પડશે.
= ૧૦ર ;
વિચારમંથન
