________________
“રાજકુમાર તેજસ્વી છે, કુશાગ્રબુદ્ધિ ધરાવે છે. બધી વિદ્યામાં નિપુણ થઈને આજે આશ્રમમાંથી વિદાય લઇ રહેલ છે. મહારાજાએ ગત સરસ્વતી પૂજન મહોત્સવમાં એક બે વર્ષમાં સંન્યાસ લેવાની ભાવના-ઇચ્છા પ્રગટ કરી હતી. એટલે ટૂંક સમયમાં રાજકુમાર રાજપાટ સંભાળવું પડશે. રાજકુમારને બાકી તો બધી શિક્ષા આપી છે. પરંતુ નિરપરાધીને શિક્ષા કે સજા કરવાથી તેના મન પર શું વીતે છે તે અનુભવ કરાવેલ નથી. રાજગાદી ગ્રહણ કર્યા પછી ન્યાયનો સર્વોચ્ચદેવતા રાજકુમાર જ હશે. તેથી તેના હાથે અન્યાય ન થાય, નિરપરાધીને સજા ન દેવાય જાય માટે તેની પીઠ-વાંસા પર એકવીશ સોટી મારવાની સજા કરવી પડી. આ સજા કરતાં મને પણ અત્યંત દુ:ખ થાય છે. પરંતુ આ રાજકુમારને ન્યાયી રાજા બનાવવા માટે આ સિવાય મારા માટે અન્ય કોઈ રસ્તો ન હતો. પ્રભુ! રાજકુમારનું કલ્યાણ કરજે!”
ગુરુજીએ લખેલી ડાયરીનું પાનું વાંચતા રાજા સમજી ગયા કે અનુભૂતિની શિક્ષા જ ઉચ્ચત્તમ શિક્ષા છે. સજળનયને રાજાએ ગુરુચરણમાં વંદન કર્યા.
તપોવનમાં ગુરુજીનું પ્રવચન પૂર્ણ થતાં, વિનયધર્મ અને હિતશિક્ષાની પાત્રતા પર ચિંતન કરતાં કરતાં શિષ્યો પોતપોતાની કુટિર તરફ ગયા.
નલિયામકન =
વિચારમંથન
=
