________________
શાકાહારીઓ માટે સમય ચિંતન
કન્ઝયુમરકેર અને ગ્રાહક સુરક્ષાવાળાઓ સતત કહે છે કે ગ્રાહક સુરક્ષામંડળો અને નાગરિકોની સંસ્થાના પ્રતિનિધિઓ દ્વારા ઓછામાં ઓછું વર્ષમાં બે વાર હોટલના રસોડાઓનું સરપ્રાઈઝ ચેકીંગ થવું જોઈએ આ પોકાર મ્યુનિસીપાલિટી અને રાજ્યસરકારના બહેરા કાને સતત અથડાયા કરે છે.
બકુલભાઈને હોટલોની સમગ્ર વ્યવસ્થામાં કાંઈક વિશિષ્ટતા લાગે છે “એક હોટલમાં સતત કરોળિયાં જાળાં બાંધતા હતા. અને એ જાળામાંથી કંઈનું કંઈ દાળમાં પડતું એને કારણે દાળ વિશિષ્ટ બનતી એમ અમે સાંભળેલું. આ આખી જ પ્રક્રિયા નાજુક છે, એની ચકાસણી એની તરતપાસ કરવી શક્ય નથી. કરવા જશો તો સ્વાદ ગુમાવશો. એક હોટેલનાં ફાફડા-ચટણી સર્વોત્તમ ગણાતાં. એમાં ચટણીની ફોર્મ્યુલા એવી હતી કે સોમવારની ચટણીમાંથી જે વધે તે મંગળવારની ચટણીમાં નંખાતું, મંગળવારે જે વધે તે બુધવારની ચટણી બનાવવામાં વપરાતુ, બુધવારે જે વધે તે... પરિણામે રવિવારની ચટણીમાં જુદી જુદી કક્ષાની સાત ચટણીઓનું મિશ્રણ થતું! હવે આ સ્વાદના અજોડપણાને બિરદાવ્યા વિના તમે બીજું શું કરી શકો? આ મેઘધનુષ્ય ચટણી રવિવારે ખલાસ થઈ જતી.”
વર્તમાનપત્રોના અહેવાલ પ્રમાણે હોટેલ એન્ડ ફૂડ સર્વિસીઝ ઈન્ડિયાના અધ્યક્ષ મીનાક્ષી અગ્રવાલે મુંબઈની હોટલોની સ્વચ્છતા વિશે આકરી ટીકા પોતાના અહેવાલમાં લખી છે. “મુંબઈની હોટલોમાં આરોગ્યનું ધોરણ બરાબર સચવાતું નથી. રસોઈયાઓ ખુલ્લા શરીરે નાની ચડ્ડી પહેરીને રસોઈ બનાવતા હોય છે અને જો કોઈ કપડાં પહેરે તો તે ખૂબ ગંદા હોય છે, પરસેવો વાનગીમાં ટપકતો હોય છે. રસોઈનાં વાસણો અને પાણી પણ સ્વચ્છ હોતા નથી. મોટાભાગની હોટલોમાં વાંદા-ગરોળી અને ઉંદરોનો ઉપદ્રવ હોય છે.
મુંબઈ મહાપાલિકા પાસે ફક્ત ૨૫૦ ફૂડ ઈન્સ્પેક્ટરો છે. જે ઘણા ઓછા કહેવાય. આ ઈન્સ્પેક્ટરો રસોડા સુધી પહોંચે તે પહેલાં તેમના ગજવામાં “વજન”
= ૭૮
= વિચારમંથન =
