________________
ના રહેવાયું. જ્યારે કોઈ વહુને ભાઈની ગાળ આવે ત્યારે તે સહન નથી કરી શકતી. ઠેસ વાગે તો ‘ખમા મારા વીરાને' કહે ખમા મારા ધણીને નથી કહેતી. આમ સાસુ બહુ ગાળો બોલે એટલે વહુથી ના રહેવાયું એટલે બોલી નાખ્યું : ઓળિયો ધોળિયો બધો તમારે માથે. આથી સાસુ વધુ ચિડાય. આમ રોજ ચાલ્યા કરે. આડોશી પાડોશી રોજ તે જોવા આવે. માણસને નિંદાનો રસ બહુ ગમે છે. ઊંઘ પણ ઊડી જાય. લોકોને આ તમાસો લાગે ડોશીને ખબર નિહ કે આ અમારા કુળની લાજ જાય છે. બહુ થાકે ત્યારે રડવા બેસે. છોકરા કામ કરીને આવે ત્યારે આ નાટક જુએ મનમાં ખૂબ ચિડાય પણ શું કરે ? ખાવાનું પણ ના ભાવે અને ઘ૨માંથી ચાલ્યો જાય, પણ જ્યારે રોજ નવી નવી વાતો મનમાં ભરાય એટલે એક દિવસ કંટાળીને ભૂરીને ખૂબ મારી, ડોશીને તો કંઈ કહી શકે નહિ. થોડા દિવસ પિયર મોકલી પણ ત્યાં કેટલા દિવસ રોકાઈ શકાય ? પાછી આવે એટલે ડોશી પોતાનું કામ શરૂ કરે. બીજી બાજુ ભૂરીની બેનપણીઓ પણ વધવા લાગી તેને સમજાવા લાગી. તારા માથા મરેલી ના થવું સામા થઈને એ એક દે તો આપણે બે દઈએ આમ ચાલે, આથી બીજો પણ એનાથી ખોટું શીખી લે છે. દા. ત. કોઈનું મરણ થાય ત્યારે બાઈઓ ફૂટે છે અને છોકરીઓ પણ દોડો ફૂટતા શીખી જાય છે. આ બાઈ છેવટે થાકી, આપઘાત કરવાનું મન થયું પણ જીવ કેમ ચાલે ? એવામાં બન્યું એવું કે અમારા ગુરુદેવ ત્યાં ગયેલા રાત્રે રોજ પ્રવચન થાય એમાં આ બાઈ પણ ગયેલી.
સભા પૂરી થઈ. બધાં ઘેર ગયાં પણ આ બાઈ બેઠી રહી. ગુરુએ પૂછ્યું બહેન કેમ બેઠી છો ? આમ કહ્યું એટલે ઠીઠીયારી મૂકી. કારણ પૂછ્યું, એટલે બધી વાત કરી સાસુથી કંટાળી ગઈ છું. એવો મંત્ર આપો કે મારી સાસુ વશ થઈ જાય મને બહુ પજવે છે. સાધુએ કહ્યું મંત્ર તો આપું પણ ચરી અઘરી છે, ખમીશ ? તો કહે જેટલા ઉપવાસ કહો તેટલા કરીશ પંદર દિવસ, વધુ કહો તો મહિનો. મહારાજે કહ્યું, આથી અઘરી ચરી છે. બાઈ થાકેલી હતી એટલે કહ્યું, મહારાજ તમો કહો તે કરવા તૈયાર છું. ગુરુએ પૂછ્યું તું સાસુની સેવા કરે છે ? અરે આ સાસુની સેવા ! બીજા કોઈ નથી તે એની સેવા કરું ઠીક તો તારે બીજી બહેનપણીઓ છે ? કેમ ના હોય ? તે કંઈ પૂછે ખરી ? કેમ ના પૂછે ? મારું દુઃખ સાધુતાની પગદંડી
૨૧
