________________
તા. ૬-૭-૧૯૫૩ : લા
મોટાપમોદરાથી નાળ અને રબારિકા ગામે થઈ કરવા આવ્યા. અંતર આઠ માઈલ હશે. આખો રસ્તો ડુંગરાળ હતો. વાદળાં પણ હતા એટલે ખુશનુમા અને પ્રફુલ્લિત વાતાવરણ હતું. નદીનાળાં, ઝાડી, સુંદર લાગતી હતી. ગામે સ્વાગત કર્યું. બપોરના ત્રણ વાગ્યા પછી ભૂદાન અંગે એક સભા રાખી હતી. બહારગામના ખેડૂતો પણ આવ્યા હતા. ગામમાં બાઈએ એક મંડળ ઊભું કર્યું છે. ઔલાદ સુધારવાનું કામ કરે છે. ૬૦ ગાયો છે. તા. ૧૫૩ : મઢડા
કરલાથી નીકળી મઢડા આવ્યા. અહીં ૧૦૮ વીઘા ભૂદાન થયું. તા. ૮-૭-૧૯૫૩ : ખડસલી
કરલાથી મઢડા થઈ થોડો સમય છાપરી ગામે રોકાયા અને ખડસલી આવ્યા. અંતર ચાર માઈલ હશે. ઉતારો ગ્રામ સેવા મંડળ કેન્દ્રમાં રાખ્યો. સંસ્થાના બધા કાર્યકરો આવ્યા હતા. તેમજ માટલિયા, અરવિંદભાઈ અને બાબુભાઈ રાવળ વગેરે આવ્યા હતા.
આશ્રમ ગામથી દૂર પાદરે છે. વચ્ચે નદીના બે ફાંટા ઓળંગવા પડે છે. નદી નાની છે. પણ કાયમ પાણી રહે છે. આશ્રમના મુખ્ય સંચાલક કેશુભાઈ ભાવસાર છે. રાત્રે કાર્યકરોની સભા રાખી હતી.
બીજે દિવસે ગામમાં બહેનોની સભા રાખી હતી. ત્યારપછી જાહેરસભા થઈ. રાત્રે કાર્યકર ભાઈ બહેનો સાથે પ્રશ્નોત્તરી થઈ હતી. અહીં ખેતી ગોપાલન અને વસ્ત્રસ્વાવલંબનનું કામ ચાલે છે. કામ કરનારને કોઈ એક કામ કરવાનું નથી હોતું. દરેક કામ કરવાનું હોય છે.
અહીં કુલ ૧૪૫ વીઘા ભૂદાન થયું. મેરીયાણા ગામનું પ૩ વીઘા ભૂદાન થયું. તા. ૯-૭-૧૯૫૩ : દોલતી
ખડસલીથી નીકળી દોલતી આવ્યા. અંતર છ માઈલ હશે. ઉતારો એક ખાલી મકાનમાં રાખ્યો. ગામે સ્વાગત કર્યું. ભૂદાન વિશે વાત કરતાં ૪૬ વીઘા ભૂદાન મળ્યું.
સાધુતાની પગદંડી
૧૭૯
