________________
પોતાના પતિ પછવાડે એક સુંદર મંદિર બાંધી આપ્યું છે તેની ત્રણ સાંતી જમીન છે. અહીં ૭૨ વીઘા ભૂદાન થયું. તા. ૧-૭-૧૫૩ : હીપાવડલી
મેકડાથી નીકળી હીપાવડલી આવ્યા. અંતર ચાર માઈલ હશે. ઉતારો નિશાળમાં રાખ્યો. બાળકોએ સ્વાગત કર્યું. તા. ૨,૩-૧૯૫૩ : જેસર
હીપાવડલીથી નીકળી જેસર આવ્યા. અંતર પાંચ માઈલ હશે. ઉતારો ઉપાશ્રયમાં રાખ્યો. આ ગામડાં ડુંગરાની તળેટીમાં આવેલાં છે. ચારેબાજુ ડુંગરાની હાર દેખાય છે. અહીં ૧૦૮ વીઘા ભૂદાન મળ્યું. તા. ૪,૫-૧૯૫૩ : મોટાવામોદરા - જેસરથી નીકળી મોટાવામોદરા આવ્યા. અંતર આઠ માઈલ હશે. ઉતારો ગાંધી સેવાલયમાં રાખ્યો. ગામે સુંદર સ્વાગત કર્યું. આ ગામ ડુંગરી ગામ છે. ડુંગરી એટલે તાલુકદારી અહીં તાલુકદારોનો પહેલાં બહુ ત્રાસ હતો. વેઠ ઘણી હતી. મકાન પણ ખેડૂતનાં નહીં. હવે નિકાલ આવી ગયો છે. આ ગામમાં દાણીભાઈ કરીને એક કાર્યકર્તા પાંચેક વરસ થાણું લગાવીને બેઠા છે. તેમનો લોકો સાથે ખૂબ સારો સંબંધ છે. કારણ કે કપરાં કાળમાં તેમણે લોકોને ખૂબ મદદ કરી હતી. કેટલીકવાર એક, બે વાર ગરાસદારોનો માર પણ ખાધો છે.
આ ગામમાં ૨૪૪ વિધા ભૂદાન થયું. સંખ્યામાં પ૯ જણે આપ્યું. તા. ૬-૭-૧૯૫૩ : સ્મારિક
મોટાવામોદરાથી નીકળી નાળ આવ્યા. અહીં થોડું રોકાયા ભૂદાન વિષે સંદેશો આપ્યો. ગામે ૭૧ વિધા ભૂદાન આપ્યું. ગામની ચારેબાજુ ડુંગરા છે. સાંભળવા પ્રમાણે અહીં બહારવટિયા લોકો રહેતા હોય છે.
નાળથી નીકળી રબારિકા આવ્યા. ગામલોકોએ ભજન મંડળી સાથે સ્વાગત કર્યું. વિશેષતા એ હતી કે લોકો પાસે ઢોલ નહી હોવાથી નગારું ઉપાડી લાવ્યા હતા. બહેનો રામાયણનું સુંદર ગીત ગાતી હતી. મહારાજશ્રીએ ભૂદાનનું મહત્ત્વ સમજાવ્યું. ગામે ૧૨૫ વીઘા ભૂદાન આપ્યું.
૧૭૮
સાધુતાની પગદંડી
