________________
સ્ત્રી જીવનદાતા હશે તો પુરુષ મિલનના વારંવાર પડતા પ્રસંગોમાં કાં તો ટકવા જેટલું બળ સાધી લેવું પડશે અથવા તે જાતની સાધનાની ઊણપ હોય, તો એવા અતિ સહવાસના પ્રસંગો ટાળવા તત્પર રહેવું જોઈશે. અવિવાહિતે વિવાહિત થઈને જીવનદાન આપવાનું હશે, તો તેણે બંનેએ સો ગળણે આ બધા સૂચન પ્રથમ ગાળવાં પડશે.
(૪) આપણા દેશમાં કોંગ્રેસ સિવાયના બધા રાજકીય પક્ષો સત્તા મેળવવાના પાયા ઉપર ઊભા થયા છે. આનો ચેપ હવે કોંગ્રેસને પણ લાગતો જાય છે ! તેથી આવે સમયે સૌની સત્તા લાલસા છોડાવવા માટે આવા જીવનદાતાઓ પોતે કોંગ્રેસના હોય તોયે તેમણે સત્તાનાં અગ્રસ્થાનોથી અલગ થઈ મટી જવું પડશે. બીજા પક્ષોના તો સામાન્ય સભ્યપદને પણ તેમણે તજવું જોઈશે. તેઓ બીજા રાજકીય પક્ષો સાથે પોતાની ચાલુ ફરજોને લીધે પણ જ્યાં લગી જોડાયા હશે, ત્યાં લગી તેમના પ્રત્યે શંકા રહેવાનો ખરેખરો ભય છે જ.
(૫) ગામડાના પ્રશ્નોને મોખરે રાખવાનો અહિંસક યુદ્ધમાં શહેરો, સ્થાપિત હિતો, ન્યાયતંત્ર તથા વહીવટી તંત્રના અંગો કેન્દ્રિત સત્તાવાદ અને પૂંજીવાદ એ બધાં સામે આ જીવનદાતાઓએ સતત ઝૂઝવું પડશે. આવાં કાયમી ઘર્ષણો વચ્ચે રાગદ્વેષ વધવા ન દેવાં ને રાગદ્વેષ ઘટે તેવું જ જીવન જીવવું, એ કામ અત્યંત કઠિન છે. માટે તેણે આત્મશ્લાધાથી તેમજ પરનિંદાથી બચવાના અને ક્ષમાશીલતા સાથે સત્ય, પ્રેમ અને ન્યાય સાચવવાનાં વ્રત લેવાં પડશે.
(૬) દેશને શુદ્ધ અને મજબૂત પક્ષીય સરકારો આજે જરૂરની છે, ભવિષ્ય પણ એક એવી મધ્યસ્થ સરકાર તો જરૂરી રહેશે જ, એટલે એવી સ્થિતિ દેશમાં અને દુનિયામાં સર્જવામાં કોંગ્રેસ એક પરમશક્તિ છે એમ માની તેને મુખ્યત્વે ગ્રામપ્રજાની દોરવણી અને હૂંફ કેમ સતત મળતી રહે તે પણ આ જીવનદાતા સેવકોએ ખાસ જોવું પડશે.
(૭) બે અબજની માનવજાતની સાથે પણ સંસ્થાનવાદ તથા સરમુખત્યારી જેવાં અનિષ્ટો સામે શુદ્ધ સાધનથી ઝઝૂમવા છતાં પ્રેમળ એકતા ટકી રહે, તે સારુ જગતના સર્વધર્મોની ઉપાસના અથવા સમન્વય ૨૧૨
સાધુતાની પગદંડી
