________________
કચ્છ સૌરાષ્ટ્ર ભૂમિદાનના સંયોજક શ્રી વજુભાઈ શાહ લખે છે : તા. ૮મી પહેલાં પચીસથી બેચાર વધારે એટલી સંખ્યાની ટુકડીઓ હતી તેની મને ખાતરી છે. આજે ટુકડીઓ એથી પણ થોડી વધારે હશે, એવી મારી માન્યતા છે. કાગળોને અભાવે તેની ચોક્કસ સંખ્યા હું આપી શકતો નથી, એટલું જ.”
સૌરાષ્ટ્રમાં આટલી બધી ટુકડીઓ ફરવા છતાં જવાબ કેમ બહાર દેખાઈ આવે તેવો મળતો નથી ? શું ભૂધારકો ના પાડે છે ? ના જમીન તો એટલી બધી મળે છે કે હમણાં વિધિસરના કાર્યકર નથી તેણે એક જ ગામમાંથી એકસો ચુંમાલીસ એકર જમીન સહજમાં મેળવી, અને બીજા ગામો પણ સારો જવાબ વાળે છે; તેમ તેમના પત્રથી જણાય છે. આવું જ બીજા કેટલાકના પત્રોથી જણાય છે; તો પછી ખામી ક્યાં છે ?
મુંબઈના નાણાંપ્રધાન લખે છે : આ (ભૂદાન) અંગે આપ તેમજ શ્રી રવિશંકર મહારાજ જે સતત પ્રયાસ કરી રહ્યા છો, તે માટે... પરમાત્મા આપના કાર્યમાં સફળતા આપે એવી મારી પ્રાર્થના છે.
- શ્રી ઢેબરભાઈ હાલમાં તાવમાં પટકાયા છતાં લખે છે : “ગમે તે કારણ હોય, પણ વાતાવરણ મારો સંદેશો પકડી શકતું નથી... હું ભૂદાનનું કામ ભૂલી તો ગયો નથી... આપની વ્યથા સમજી શકું છું. વજુભાઈ ભૂદાન પાછળ લાગી ગયા છે.'
મુંબઈના પંતપ્રધાનશ્રી લખે છે : “... તમે એ કામ જે ઉત્કટતાથી કરો છો, એટલી ઉત્કટતાથી આપણા બીજા કાર્યકરો પણ કરે, એવું હું જરૂર ઈચ્છુ... દાનનો આંકડો એકદમ મોટો નથી થતો કારણ કેલોકો પાસે જે જમીન છે, (એ બીજે કરતાં મહાગુજરાતમાં) થોડી થોડી છે. આમ છતાં કેટલીક જગ્યાએ જ્યાં સારી રીતે પ્રચાર થયો છે ત્યાં જવાબ સારો મળ્યો છે, એટલે રચનાત્મક કાર્યકરો તેમજ કોંગ્રેસીઓ નિષ્ઠાપૂર્વક આંદોલન ઉપાડે અને ધીરજથી બધે ફરે તો લોકો એનો જવાબ આપ્યા વિના નહીં રહે એવું હું તો માનું છું.”
શ્રી મોરારજીભાઈની આંકડો નથી વધતો તેના કારણોવાળી દલીલ સાચી છે. જ્યાં બસો એકરથી વધુ મળી છે ત્યાં માલિકીહક જ મળ્યો છે, એ વાત સાચી છે. આ દષ્ટિએ ગુજરાત સૌરાષ્ટ્રના ભૂદાનનું મૂલ્ય ૨૦૨
સાધુતાની પગદંડી
