________________
પહેલાં અસંતુષ્ટી બળોથી ઊભો થયો. કોઈ પણ રીતે કોંગ્રેસનો વિરોધ કરવો. એજ એનો હેતુ હતો. ખાસ કરીને સૌરાષ્ટ્રમાં વેચાણવેરા આંદોલન પછી વિપક્ષને વેપારી વર્ગનો ટેકો મળ્યો. કોઇ પણ રીતે સત્તા હાથ કરવી એ જ એનો હેતુ હોય એમ લાગ્યું. લોકોના અસંતોષનો લાભ લઈને આંદોલનો જગાડ્યાં. આ ચૂંટણીમાં પણ અમે સ્પષ્ટ જોયું કે, એ પક્ષ તરફથી આક્ષેપો, જૂઠો પ્રચાર, ધાકધમકી, અને પૈસા તથા અનાજ વગેરેની મદદ જુદી જુદી રીતે આપવામાં આવી હતી. નાગરિક મંડળના બોર્ડ જ્યાં હોય ત્યાં ભૂંસી નાખવાં, ઉપર કાદવ છાંટવો, અને તેની નીચે સમાજવાદી જાહેરાત અને તેના નિશાન ચીતરી કાઢતા. આવાં આવાં અશુદ્ધ સાધનોનો ખૂબ ઉપયોગ થતો. - નાગરિક મંડળમાં મુખ્ય લલ્લુભાઈ શેઠ હતા. અને બીજા કાર્યકરો તેના જ ટેકેદાર હતા. પ્રમાણમાં તેમણે શિસ્ત અને સૌજન્યતા સારી રાખી હતી. છતાં સમાજવાદની જીત થઈ.
આ ચૂંટણીએ કસ્બાની સ્થિતિનો ખ્યાલ આપ્યો. રાહતથી કોઈ દિવસ સંતોષ આપી શકાતો નથી. ગામડાંનું ઘડતર જ ખરું કામ છે. તા. ૨૩-૮-૧૫૩
ગામના કેટલાક નાગરિકો અને મહાદેવની જગ્યાના પૂજારી મહારાજશ્રીને વિનંતી કરવા આવ્યા કે મહેશ્વરાનંદ નામના સાધુ ચાતુર્માસ રહે છે. એ બહુ વિચારક છે એમની દૃષ્ટિ સારી છે. ત્યાં મુનિશ્રીનું નામ પ્રવચન સાચા ધર્મ ઉપર આપવાની વિનંતી કરી. બહુ ભક્તિથી પગે લાગ્યા અને માગણી મૂકી. મહારાજશ્રીએ કહ્યું, આ તો બહુ ઉત્તમ કામ છે.જરૂર આવીશ, પણ પ્રવચનના આગલા દિવસે ખુલાસો પૂળ્યો, કે ત્યાં હરિજનો આવશે તો વાંધો નહીં આવે ને ? એટલે એ લોકો મૂંઝાયા. મહેશ્વરાનંદજી સ્પષ્ટ હા કે ના કહી ન શક્યા. છેવટે હિંમત ના કરી શક્યા. અને પ્રવચન બંધ રહ્યું.
જે લોકો લળી લળીને નમન કરતા હતા તે લોકો જ મહારાજશ્રીનું કહેવું માનવા તૈયાર નહોતા. આ છે આપણી સ્થિતિ તમે કહો તે સાંભળીએ ખરા પણ અમને ગમે તેવું તેથી જુદું નહિ. એ સાંભળીને પોતાના જીવનમાં શું લાવવાના હતા ? સાધુતાની પગદંડી
૧૮૫
