________________
કરવું, બીજી એવી વાત હતી કે મુહપત્તી અને રજોહરણ પડાવી લેવાં. સભા નહીં થવા દેવી પરંતુ એમાંનું કંઈ બન્યું નહિ. ઊલટું ટ્રેનિંગ કોલેજના શિક્ષકો અને બીજાઓ તરફથી બહુ દૂર સુધી સામે આવી વાજતેગાજતે સ્વાગત કર્યું. વિરોધી વિચારકોને વિરોધી ભાઈઓને એ પણ શંકા હતી કે કદાચ ઉતરવા મકાન પણ નહીં મળે. પણ પ્રભુદાસ માટલિયાએ અને કોંગ્રેસ સમિતિએ બે, ચાર મોટાં મકાનો તૈયાર રાખ્યાં હતાં. ઉતારો ગોકુળભુવનમાં રાખ્યો હતો.
રાત્રી જાહેરસભામાં મોટી સંખ્યામાં લોકો આવ્યા હતા. મહારાજશ્રીએ વિશ્વશાંતિનો રાજમાર્ગ એ વિષય ઉપર સુંદર પ્રવચન કર્યું હતું.
નવલભાઈ, છોટુભાઈ, અંબુભાઈ આવ્યા હતા.
બીજે દિવસે સવારના નવ વાગે હંટર ટ્રેનિંગ કોલેજમાં કાર્યક્રમ હતો. મહારાજશ્રીએ જણાવ્યું કે તમે બધા ગઈકાલથી જે રસ લઈ રહ્યા છે તેથી મારો સંતોષ વ્યક્ત કરું છું. હું માનું છું કે આજના ધર્મગુરુઓ શિક્ષકો છે ને આજની પરિસ્થિતિ એવી છે કે સાધુઓનું કામ સમાજે કરવાનું છે. એમાં શિક્ષકો પ્રથમ આવી જાય છે. એટલે આવતી કાલનો સમાજ કે રાષ્ટ્ર જે રીતે ઘડાવાનો છે તેમાં શિક્ષકોનો ફાળો મહત્ત્વનો છે. સૌરાષ્ટ્ર ઉપર વધારે આશા રહે છે, આ પ્રદેશમાં ઘણાં ખડતલ માણસો પાક્યા છે.
આજે નઈ તાલીમની વાત તમે કેવી રીતે સમજો છો અને સમજ્યા પછી અમલ કરાવવા જશો, ત્યારે સમાજ હશે, બાળકો હશે અને બાળકો તો જે સમાજ હશે તેવી ટેવોવાળા હશે. તેમને કેવી રીતે તમારો રંગ ચઢાવશો આ મૂંઝવણ, તમને, મને થાય છે.
બીજી વાત શિક્ષણના કોર્સની છે. ઘણો વધારે ભાગ અને તે પણ ઉપરથી લદાયેલ હોય છે. એટલે તમારે જે ઘરેડે સમાજ ચાલે છે તે રીતે તમારે પણ ચાલવું પડે છે. અમુક કાંતવું, થોડું ખેતી કામ કરવું અને પરીક્ષા પાસ કરવી. મને લાગે છે કે આમ નહીં ચાલે. આપણે ક્રાંતિ કરવી પડશે.
સાંજના મજૂર કલ્યાણ કેંદ્રની મુલાકાત લીધી. રાત્રે જાહેરસભા રાખી
હતી.
૧૪૨
સાધુતાની પગદંડી
