________________
રાગંગાજળીયાની કુદૃષ્ટિ મોણબાઈ ઉપર થઈ અને એમણે ઉચ્ચાર્યું કે, આ રા નથી ફરતો પણ રાની દિ ફરે છે.
અહીંથી વેરિયા આવ્યા. ગામે સ્વાગત કર્યું. આ ગામમાં ગુણવંતભાઈ ગોસલિયા ખાદી ગ્રામઉદ્યોગનું કામ ચલાવે છે. સભામાં ૩૧ વિઘા ભૂદાન મળ્યું. તા. ૮,૯-૬-૧૫૩ : વસાવદર
વેરીયાથી નીકળી વિસાવદર આવ્યા. અંતર પાંચ માઈલ હશે. ઉતારો ટાઉનહોલમાં રાખ્યો. જનતાએ સ્વાગત કર્યું. ટાઉનહોલ નવો જ બંધાયેલો હતો. તેમાં મહારાજશ્રીનાં પ્રથમ પગલાં થયાં. એટલે લોકો રાજી થયા.
સભામાં ૭૩ વીઘા ભૂદાન થયું. તેમજ કેટલુંક સંપત્તિ દાન મળ્યું. તા. ૧૦-૬-૧૯૫૩ : જેતલવડ
વિસાવદરથી નીકળી જેતલવડ આવ્યા. અંતર સાડાપાંચ માઈલ હશે. ઉતારો ઉતારામાં રાખ્યો. અહીં લોકોનો બહુ ઉત્સાહ ન જણાયો. અહીં ૧૫ વીઘા ભૂદાન મળ્યું. તા. ૧૧-૬-૧૯૫૩ : ભોડાસર
જેતલવડથી નીકળી ભોડાસર આવ્યા. અંતર બે માઈલ ૯૪ ખેડૂતો એકત્રિત થયા. ભૂદાન વિષે સમજ આપી ૩૨ વીઘા ભૂદાન મળ્યું. તા. ૧૧-૬-૧૫૩ ૬ સુધાવડ
ભોડાસરથી નીકળી થોડો વખત વાવડી રોકાયા. અંતર ત્રણ માઈલ હશે. ગામને પાદરે સૌ એકઠાં થયાં. લોકોએ ફુલહાર વગેરે તૈયાર રાખેલું. એક બ્રાહ્મણે વેદ મંત્રો ભણ્યા. સભામાં ૬૦ વીઘા ભૂદાન થયું. ત્યાંથી નીકળી સુધાવડ આવ્યા. અંતર બે માઈલ હશે. ઉતારો નિશાળમાં રાખ્યો. અહીં ખેડૂતોનું એક સંમેલન રાખ્યું હતું. અને નવી નિશાળનું ઉદ્ઘાટન રાખ્યું હતું. વિદ્યા-અધિકારી તેમજ બગસરાથી લાલચંદભાઈ વોરા અને તેમની સાથે બીજાં બહેનો આવેલાં. મીરાંબહેનના હાથે નિશાળનું ઉદ્ઘાટન કર્યું. મહારાજશ્રીએ નઈતાલીમ, ભૂદાન અને નિશાળમાં દાન આપનાર દાતા વગેરે વિષે પ્રવચન કર્યું હતું.
સાધુતાની પગદંડી
૧૭૩
