________________
વાડીમાં રાખ્યો હતો. ત્યાં જાહેરસભા થઈ. અહીંયાં બાગબગીચા સુંદર થાય છે. પાણી મીઠું હોય શાકભાજી, નાળિયેર, ખજૂરી, સોપારી, કેળાં વગેરે ખૂબ થાય છે. અહીંયાં ૫૦ વીઘા ભૂદાન મળ્યું. આ આપનારમાં મોટો ભાગ મુસલમાનો હતા. તા. ૯-૫-૧૯૫૩ : શારદાબાગ
માંગરોળથી સાંજના નીકળી શારદાબાગ આવ્યા. અંતર અઢી માઈલ હશે. અહીં કરાંચીવાળા મનસુખભાઈ જોબનપુત્રા કેળવણીનું કામ લઈને બેઠા છે. ખેતી દ્વારા કેળવણી આપવા માગે છે. બાગ સુંદર છે. કુલ જમીન ૧૦૬ વીઘા છે. તેમાં... વીઘા ખેતી અને બાકીનામાં મકાનો છે. ખૂબ સુંદર હરિયાળી દેખાય છે. તે દિવસે સૌરાષ્ટ્રના હાઈકોર્ટના જજ તે દિવસે આવેલા પોપટલાલ ચુડગર પણ સાથે હતા.
મહારાજશ્રીએ ત્યાં મજૂરોની સભામાં પ્રવચન કર્યું રાત્રે બાગની કુંજમાં સેવાદળનાં ભાઈ બહેનો સમક્ષ પ્રાર્થના પછી સુંદર પ્રવચન કર્યું. તા. ૧૦-૫-૧૯૫૩ : હુસેનાબાગ
શારદાબાગથી નીકળી હુસેનાબાગ આવ્યા. અંતર બે માઈલ હશે. અમારી સાથે કાર્યકરો ઉપરાંત સેવાદળ શિબિરનાં ભાઈ બહેનો પણ ગીતો લલકારતાં આવ્યાં હતાં. ૨૩ વીઘા ભૂદાન મળ્યું. તા. ૧૦-૫-૧૯૫૩ : સંપા
હુસેનાબાગથી નીકળી સપા આવ્યા. ગામે સ્વાગત કર્યું. બપોરના રતુભાઈ અદાણીના હાથે, ગ્રામપંચાયતનું ઉદ્ઘાટન થયું. બપોરના જાહેરસભા રાખી હતી. તેમાં ૪૯ વીઘા ભૂદાન થયું હતું. તા. ૧૧, ૧૨-૫-૧૯૫૩ : ચોરવાડ
સપાથી નીકળી ચોરવાડ આવ્યા. અંતર સાત માઈલ હશે. ગામે સ્વાગત કર્યું. ઉતારો ઘર્મશાળામાં રાખ્યો હતો. રાત્રે મહારાજશ્રીએ રામરાજય વિશે સુંદર પ્રવચન કર્યું હતું. બપોરના ચાર વાગે સભા થઈ હતી.
બીજા દિવસે દરિયો જોવા ગયા, તેના કિનારે નવાબનો સુંદર મહેલ છે. પણ આજે તો એકલો અટૂલો પડ્યો છે. દરિયાની ખારી હવા તેને
૧૬૦
સાધુતાની પગદંડી
