________________
જોડાયા છે. તેની પાછળ ધર્મનું પીઠબળ છે. આ સાચું છે કે જુકું ? તે અંગે એક સવાલ ઊભો થયો છે. જો બધે જ સાચો હોય તો એક પક્ષને અન્યાય થાય છે. બિનધાર્મિક રાજ્ય માનીને પ્રચાર કરે છે. જ્યારે ભારત પોતાની ધર્મની કસોટી કરીને આગળ વધે છે. તેવી રીતે અહીં તાલુકદાર ભાઈઓને બેને બે ચાર જેવી કોંગ્રેસની વાત સમજાતી નથી. ઈંગ્લેડ પાસે બળ છે. અમેરિકા પાસે ધન છે, સત્તા છે. પણ આજે જે તાવણી થઈ રહી છે એ કસોટીમાં કોઈ સત્તા નહીં ટકે. સત્તાશાહીને દૌલતશાહી આજે ટકી નહિ શકે. ગરીબો તરફ જેની અમીદ્રષ્ટિ હશે, માનવજાત તરફ હમદર્દી હશે તેવા દેશો આગળ વધી શકશે. એશિયામાં એવી સ્થિતિ આજે જોઈ રહ્યા છીએ પાકિસ્તાન પણ જો એ દિશામાં જશે તો થોડા જ વખતમાં આગળ આવી જશે. જો આધ્યાત્મિક બળ નહિ હોય, કોઈ ચોક્કસ સિદ્ધાંત નહીં હોય તો ગમે તેવો મહાન દેશ કે પ્રજા તૂટી પડવાનાં છે. આ વસ્તુ સૌએ ખાસ ધ્યાનમાં રાખવા જેવી છે. તો જ દુનિયા લડાઈથી અટકી જશે. સૈન્ય પાછળના વપરાતા લાખો રૂપિયા બચી જશે. પણ આ વાત સહેલી નથી. તા. ૨૮-૧૧-૧૯૫૧ : સયા
ખડોળથી રાયકા આવ્યા. અંતર ત્રણ માઈલ હશે. ઉતારો ચોરામાં રાખ્યો. રાત્રીસભામાં નવલભાઈ શાહ આવ્યા હતા. તા. ૨૯-૩૦ થી ૧-૧૨-૧૫૧ : અડવાળ
રાયકાથી અડવાળ આવ્યા. અંતર ત્રણ માઈલ હશે. ઉતારો રવજી પટેલને ત્યાં રાખ્યો હતો. અહીં દરબારોની વસ્તી ઘણી છે. પ્રજા તેમનાથી દબાયેલી છે. એક દિવસ હરિજનવાસમાં સભા રાખી હતી. તા. ૨-૧૨-૧૫૧ ? સરવાળ
અડવાળથી નીકળી સરવાળ આવ્યા. અંતર અઢી માઈલ હશે. ઉતારો ચોરામાં રાખ્યો. રાત્રીસભા સારી થઈ. તા. ૩-૧૨-૧૯૫૧ : બાજરડા
સરવાળથી નીકળી બાજરડા આવ્યા. અંતર સાડા ત્રણ માઈલ હશે. ઉતારો ઉપાશ્રયમાં રાખ્યો હતો. રાત્રે જાહેરસભા થઈ. સાધુતાની પગદંડી
૩૧
