________________
અને કુરેશીભાઈને કૉંગ્રેસ પક્ષે પોતાના ઉમેદવાર તરીકે ઊભા રાખ્યા છે. સંસ્થાના પ્રમુખ પણ છે. કૉંગ્રેસને મત શા માટે આપવો ? એ સર્વાંગી દૃષ્ટિથી મહારાજશ્રી સમજાવે છે.
તા. ૨૭-૧૧-૧૯૫૧ : ખસ્તા
ફતેહપુરથી નીકળી હરપુર થોડું રોકાઈ ખસ્તા આવ્યા. અંતર પાંચ માઈલ હશે. ઉતા૨ો દરબારી ઉતારામાં રાખ્યો હતો. રાત્રિસભામાં સૌએ કૉંગ્રેસને મત આપવાનું જાહેર કર્યું હતું. આ ગામ વાંકાનેર યુવરાજનું ઈનામી ગામ છે.
તા. ૨૮-૧૧-૧૯૫૧ : ખડોળ
ખસ્તાથી ખડોળ આવ્યા અંતર દોઢ માઈલ હશે. ઉતારો ચોરામાં રાખ્યો હતો. ગામે સ્વાગત કર્યું. અહીં પ્રવચનમાં મહારાજશ્રીએ જણાવ્યું કે, માણસ જ્યારે કામ કરવા તૈયાર થાય છે, તે વખતે તેનામાં વેગ વધારે હોય છે. જેમ નદીનું પાણી પ્રથમ પાછળના ધક્કાથી વેગથી વહે છે. તેમ માણસને પણ જ્યારે વેગ આવે છે, ત્યારે તે ઝડપી ચાલે છે. પણ જો તેની સામે કોઈ સિદ્ધાંત ના હોય, કોઈ ચોક્કસ આદર્શ નહીં હોય તો તે થાકી જશે. આવું જ કાર્યકરોનું છે. જ્યારે કોઈ સંસ્થા શરૂ કરવાની ઈચ્છા થાય છે, ત્યારે કાર્યકર્તાઓ ખૂબ ઉત્સાહિત હોય છે, પણ પછી દિવસો જતા જાય છે, વિઘ્નો મુશ્કેલીઓ આવતી જાય છે, તેમ તેમ વેગ ઓછો થતો જાય છે. વર્ગો, સમુદાયો ઢીલા પડીને ભાગી જાય છે. તેનું કારણ તમને સમજાયું હશે.
સંપ્રદાયોનું પણ એવું જ બને છે. જે સંપ્રદાયની પછવાડે શક્તિ અને સિંચન ચાલુ રહ્યું છે, એ જ જાગ્રત રહી શક્યો છે. હજારો વરસોથી કેટલાક સંપ્રદાય ચાલુ રહ્યા છે. એનું કારણ તેના ભક્તો અને બળ આપનાર સદ્ગુરુઓ છે. ખ્રિસ્તના આદર્શો બહુ ઊંચા છે. ઊંચા ગણ્યાં, જેમ કે ડાબાગાલે તમાચો મારે તો જમણો ધરી દેજે. એવું કહેનાર બાઈબલને તેની પ્રજા કેટલું માનશે ? કોઈ વ્યક્તિ નીકળશે ખરી ? પણ આખો સંપ્રદાય જુદી જ રીતે ચાલે છે. તેવી જ રીતે કુરાનને વાંચનારી પ્રજા કાશ્મીરમાં પણ છે, અને પાકિસ્તાનમાં પણ છે. રામરાજ્ય અને બીજા સંઘો આપણે ત્યાં છે. રાજકારણની સાથે વાસુદેવના અનુયાયીઓ
૩૦
સાધુતાની પગદંડી
