________________
તા. ૧-૧૨-૧૯૫૨
સવારના દેવચંદ્રજી પુસ્તકાલયની મુલાકાત લીધી. પ્રતાપભાઈ ટોળિયાએ ખૂબ સુંદર વ્યવસ્થા કરી છે. આકર્ષક જાહેરાતો, લખાણો, કબાટોની ગોઠવણી વગેરે જોઈને આનંદ થયો.
ત્યાંથી શિશુવિહાર જોવા ગયા. ત્યાં બાળકોને મહારાજશ્રીએ નવડાની વાત કરી, આનંદ કરાવ્યો.
ત્યાંથી મૂર્તિપૂજક બોર્ડિંગ, બાલ લાયબ્રેરીની મુલાકાત લીધી.
બપોરના મહિલા મંડળની એક શાખાની મુલાકાત લીધી ત્યાં બહેનોને સ્વાવલંબી બનવાની, કુટુંબના કામ સાથે સામાજિક કામ સાથે ગામડાં અને પછાત વર્ગોનો અભ્યાસ કરવા જણાવ્યું.
ત્યાંથી ભરવાડવાસમાં સભા રાખી હતી. તેમાં ગૌચર, સામાજિક રિવાજો, અને સંમેલન બોલાવવા અંગે આગેવાનો સાથે ચર્ચા કરી. ત્યાંથી ભંગીવાસની મુલાકાત લીધી. અહીં તેમને રૂપિયા ૪૮ પગાર અને સગવડો સારી મળે છે.
રાત્રે શિક્ષકોની સભા રાખી હતી.
તા. ૨-૧૨-૧૯૫૨
સવારના સાડાઆઠથી સાડાનવ સેવાદળના સભ્યો સાથે વાર્તાલાપ રાખ્યો હતો.
સવારે ૯-૧૫ થી ૧૦–૦૦ મહિલા મંડળમાં બહેનોની સભા રાખી
હતી.
બપોરના વજુભાઈ શાહ સાથે પ્રવાસ કાર્યક્રમ અને ભૂદાનના પ્રશ્ન અંગે વાતો કરી. ધ્રાંગધ્રાથી કાંતિલાલ શાહ અને માલપરાથી લાલજીભાઈ મળવા આવ્યા હતા.
બપોરના આજુબાજુના ખેડૂતોની એક સભા ટાઉનહોલમાં રાખી હતી. તેમાં પ્રથમ ભાઈલાલભાઈ વકીલ અને વજુભાઈએ પણ પ્રવચન કર્યું હતું. અહીં ૫૦ વીઘાં ભૂદાન મળ્યું હતું.
અહીં સુધીનું કુલ ભૂદાન ૩૯૮૬ વીધા ભૂદાન મળ્યું છે.
૧૧૨
સાધુતાની પગદંડી
