________________
તા. ૧૬-૧૨-૧૯૫૨ : નાનાઅંવાડીયા
ગણાદથી નીકળી નાનાઅંકેવાડીયા આવ્યા. અંતર ચાર માઈલ. ઉતારો ઉપાશ્રયમાં રાખ્યો. ગામ તથા વિદ્યાર્થીઓએ સ્વાગત કર્યું. અહીં પંચાયતમાં ખટપટ હતી. કૂવાના પથ્થર બાબતમાં વાંધો હતો. તે બાબત ચર્ચા થઈ. અને સમાધાન થઈ ગયું. અહીંયાં ૧૮ વીઘા ભૂદાન મળ્યું. તા. ૧૭,૧૮-૧૨-૧૯૫૨ : મેઠાણ
અંકેવાડિયાથી નીકળી મેઠાણ આવ્યા. અંતર છ માઈલ ઉતારો સરકારી ચોરામાં રાખ્યો. અહીં સ્વામીનારાયણ સંપ્રદાયની અસર વધારે જણાઈ એટલે અસ્પૃશ્યતા ઘણી છે. રાત્રિસભામાં ૨૦૬ા વીઘા ભૂદાન મળ્યું. ધૂટ ગામમાંથી ૩૭ા વીઘા ભૂદાન મળ્યું.
તા. ૧૯,૨૦-૧૨-૧૯૫૨ : રામગઢ
મેઠાણથી રામગઢ આવ્યા. અંતર છ માઈલ હશે. ઉતારો દરબારના ગેસ્ટહાઉસમાં રાખ્યો હતો.
અહીં ગામમાં બે પક્ષ જેવું હતું. એટલે પંચાયત સરખી ચાલતી નહોતી. મહારાજશ્રીએ બંને પક્ષને સમજાવ્યા. અને મતગણતરીથી વોટિંગ કરી. પંચાયતની ચૂંટણી કરી. દરેક સભ્યે પ્રતિજ્ઞા લીધી કે હું પક્ષપાત કરીશ નહિ અને ઈશ્વર આજ્ઞા માનીને ન્યાય આપીશ. એક બહેન પણ સભ્ય તરીકે નિમાયાં હતાં.
પણ
અહીં સવર્ણો અને હિરજનો એક જ કૂવેથી પાણી ભરે છે. ભંગીને ભરવા દેતા નથી. તેમને સમજાવ્યા.
તા. ૨૧-૧૨-૧૯૫૨ : ખામપર
રામગઢથી નીકળી ખામપર આવ્યા. અંતર ચાર માઈલ ઉતારો મંદિરમાં રાખ્યો. ભૂદાન ૧૦૭ વીઘા જમીન મળી. અહીં. ૫૦ સાંતીની જમીન છે. પણ ખેડનાર ન હોવાથી પડતર છે.
અહીં એક પુરાણી સુંદર વાવ છે.
તા. ૨૨/૨૩-૧૨-૧૯૫૨ : રાજસીતાપુર
ખામ૫૨થી નીકળી રાજસીતાપુર આવ્યા. અંતર ત્રણ માઈલ હશે. લોકોએ વાજતે ગાજતે સ્વાગત કર્યું.
૧૧૮
સાધુતાની પગદંડી
