________________
તા. ૨૩-૬-૧૯૫૨ : જાળીલા
ચંદરવાથી નીકળી જાળીલા આવ્યા. અંતર ત્રણ માઈલ હશે. ઉતારો ઉપાશ્રયમાં રાખ્યો હતો. લોકો એકઠા થયા. તેમની સાથે ચાલુ પ્રશ્નોની ચર્ચા કરી.
અહીંના તલાટી, લાંચ વધારે લેતા હતા. તેમની ફરિયાદ આવી એટલે તલાટીને બોલાવ્યા. તેમણે ભૂલ કબૂલ કરી કહ્યું કે લોકો ખુશીથી કપાસિયા આપે છે તે લઉં છું. મહારાજશ્રીએ સમજાવ્યું કે, લોકો ખુશીથી આપે તો પણ ન લેવું જોઈએ. કારણ કે એ આપવા પાછળ એમની બીજી જ દૃષ્ટિ હોય છે.
તા. ૨૩-૬-૧૯૫૨ : બગડ
જાળીલાથી નીકળી સાંજના બગડ આવ્યા. અંતર ત્રણ માઈલ હશે. ઉતારો નિશાળમાં રાખ્યો હતો. રાત્રે જાહેરસભા થઈ.
તા. ૨૪-૬-૧૯૫૨ ઃ ખસ
બગડથી નીકળી ખસ આવ્યા. અંતર દોઢ માઈલ હશે. ખસમાં ચાતુર્માસ ગાળવાનો હોવાથી ગામ લોકો દૂર સુધી સામે આવ્યા હતા. બરાબર દસ વાગે ખસ સ્ટેશન ઉપર આવ્યા રસ્તામાં બાળકો અને મોટેરાઓનાં ટોળાં સામે સ્વાગત માટે આવતાં જતાં હતાં. આગળ ઘોડેસ્વારો, ત્રિરંગી ધ્વજ લઈને ચાલતા હતા. સ્ત્રી, પુરુષો, હિરજનો વગેરે સૌ મોટી સંખ્યામાં એકત્ર થયાં. પછી સૌ સરઘસ આકારે ગોઠવાઈ ગયાં. સૌથી આગળ ઢોલ તાંસાં હતાં. પછી ઘોડેસવાર, અને પછી ભાઈ બહેનો ભજન ધૂન ગીતો ગાતાં ગાતાં ગામનાં મુખ્ય લત્તામાં ફરીને એક ચોકમાં સભાના રૂપમાં ગોઠવાઈ ગયાં. ત્યાં મહારાજશ્રીએ પ્રાસંગિક પ્રવચન કર્યું. ગામના પ્રેમભર્યાં સ્વાગતનો ઉલ્લેખ કર્યો. અને ભાવિ કાર્યક્રમનો ખ્યાલ આપી જણાવ્યું કે ચાતુર્માસમાં મુખ્ય પ્રવૃત્તિ ગુજરાત વ્યાપી ખેડૂતમંડળના પ્રયત્નો અને ચાર તાલુકાનું પુનર્રચના મંડળ એમ બે મુખ્ય પ્રશ્ન તાત્કાલિક લેવાના છે.
સાંજના ચાર વાગે, બે વણિકભાઈઓને, તકરાર થઈ. નાના છોકરાની બાબતમાં તકરાર હતી. એક ભાઈ ફરિયાદ લઈ આવ્યા. છોટુભાઈએ સાધુતાની પગદંડી
6
