________________
તમારો કોઈ શિકાર કરે તો ગમે ? તમારી દીકરી સામે કોઈ કુદષ્ટિ કરે તો માથું કાપી લેવાનું મન થાય. પણ આવું જ આપણે કરીશું તો બીજાને કેમ ગમશે ? તમે બધા ઠરાવ તો કરશો. પણ માત્ર બોલવાનો ના કરશો. પરમાત્માને સાક્ષી રાખીને તમારી પ્રતિજ્ઞા લો, કે ચોરી, દારૂ, શિકાર નહીં કરીએ. તો હું તમને અનુભવથી કહું છું કે, બારમાસના અવાણ જુઓ. કેટલો ફાયદો થાય છે. તમે પછાત કોમ નથી. પછાત થઈ ગયા છો. તમોને ઊંચે લાવવા છે. આ બધા પ્રધાનો એ માટે આવ્યા છે. અમે તો ઉપદેશ આપીએ. પણ શક્તિ તો તમારે કેળવવી પડશે. એક અધર્મ આચરણવાળો માણસ આખા જગતનું વાતાવરણ બગાડે છે. ભૂપતે ઘણાને માર્યા. મરવાનું નક્કી હશે. તો મર્યા પણ તે સુખી છે ? એક દિવસ ખાતર પાડી આવ્યો. થોડા દિવસ ખાધું. પણ પહોંચ્યું નહિ. અને બીક, બીક ને બીક, તો તમારા બાળકો કેમ પ્રધાન ન થાય ? કેમ કલેક્ટર ના થાય ? પણ આ બધું તમારા જીવનના વ્યવહાર ઉપર આધાર રાખે છે.
તમે બધા અમારી સમીપે આ બધું કરો છો. એટલે અમારી વગોવણી ના થાય તેમ કરજો.
અંતમાં પૂ. સંતબાલજીએ જણાવ્યું કે, પાણીસણાના સંબંધો થયા, ત્યાં સંમેલન થયું. ગુજરાતના ઋષિ શ્રી રવિશંકર મહારાજના પ્રમુખપણા નીચે એ થયું. વાહણનો સંપર્ક લિંબડીમાં થયો. પછી એ સંબંધ વધતો ગયો. મેં અને મહારાજે એની ઉપર મોટી આસ્થા રાખી છે. પણ હજુ અમને સંતોષ થાય, એવું કામ થયું નથી. એના સુખદ અને દુઃખદ અનુભવો થયા છે. રસિકભાઈને એના તરફ પ્રેમ છે. એટલે મેં ફરીથી એમની રૂબરૂ વાહણને મળી લેવા વિચાર્યું. અને ગઈકાલે મળ્યાં. ફરીથી હું એના ઉપર વિશ્વાસ મૂકું છું. પછાત કોમોમાં હજુ ઈશ્વરનો વાસ વધારે છે. એમ મને અનુભવે લાગે છે.
પરિષદના ચુંવાળિયા ભાઈઓએ ૪પ વીઘા જમીન ભૂદાનમાં આપી
હતી.
અહીં લાલજી મહારાજનું પ્રખ્યાત મંદિર અને જગ્યો છે. વિશાળ તળાવ છે.
મુખ્ય કાર્યકર : વૃજલાલ મૂળચંદ ગાંધી અને સવસી કાનજી મકવાણા. સાધુતાની પગદંડી
૧૦૫
