________________
તા. ૨૬-૯-૧૯૫૨
આજે બગડના દશેક ભાઈઓ સાંજે મળવા આવ્યા. તેમણે કુંભાર બાઈને ત્યાં થયેલી ચોરી અંગે વાતો કરી ગુનેગાર ગામનાં જ આગેવાન છે. એમ કહ્યું.
તા. ૨૯-૯-૧૯૫૨
આજે પ્રતાપ દવે જે વિશ્વવાત્સલ્યમાં કામ કરવાના છે તેમને પરિચય માટે બોલાવ્યા હતા.
આજે શ્રી છોટુભાઈ રાજકોટથી સૌરાષ્ટ્રના મુખ્યમંત્રીશ્રી ઉછરંગરાય ઢેબર અને અપ્પાસાહેબ પંતનો તેમજ બીજા કેટલાક પરિચીતોના ભલામણપત્રો લઈને આવ્યા હતા.
કુરેશીભાઈ લોકલબોર્ડની ચૂંટણીમાં સભ્ય તરીકે પસંદ કરેલા. તેઓ ચર્ચા કરવા આવ્યા હતા.
તા. ૨-૧૦-૧૯૫૨
આજે જામનગરથી મગનભાઈ વોરા આવ્યા હતા. આજે રેંટિયા જયંતી હોઈ સવારમાં પ્રભાતફેરી, ગામસફાઈ અને અખંડ કાંતણ રાખવામાં આવ્યું હતું.
આજે ફૂલજીભાઈ આવ્યા. હમણાં રોકાવાના છે. તા. ૪,૫,૬ ભાલનળકાંઠા પ્રાયોગિક સંધની દોરવણી નીચે ચાલતી બધી સંસ્થાઓની મિટિંગો હતી.
તા. ૫મીએ અખિલ ભારત ચરખા સંઘના પ્રમુખ શ્રી કૃષ્ણદાસ જાજુ મળવા આવેલા. સાથે સ્વરાજ્ય આશ્રમ બારડોલીવાળા ઉત્તમચંદ શાહ અને બીજા કાર્યકરો પણ હતા.
(આ પછીની ડાયરીનું લખાણ ઉપલબ્ધ નથી થયું. -સંપાદક)
તા. ૨-૧૧-૧૯૫૨ : ખા
આજે ૯-૦૦ વાગ્યે અહીંનું ચાતુર્માસ પૂરું કરી વિહાર કરવાનો હતો. મહેમાનો, ગ્રામજનો વિદાયમાન આપવાની ભારે તૈયારીમાં પડ્યા હતા. અહીંથી વિહાર કરીને મહારાજશ્રી પૂ. નાનચંદજી મહારાજના દર્શનાર્થે
સાધુતાની પગદંડી
८८
