________________
લેવા આગ્રહ કર્યો. ભાવનગરથી ચાર ભરવાડ ભાઈઓ આવ્યા હતા તેમણે ગાયોનાં દૂધ માટે ડેરી બનાવવા અને મંદિર માટે જગ્યા મળે તે માટે ભલામણ લખી આપવા વિનંતી કરી. મહારાજશ્રીએ કહ્યું, મંદિર કોમી ધોરણે હશે અને ડેરી પણ વર્ગીય ધોરણે હશે એટલે જો સાર્વજનિક સંસ્થા સ્વરૂપ ના હોય ત્યાં મારાથી ભલામણ ના થઈ શકે. તેમ છતાં તમે સુરાભાઈને મળો અને પછી જરૂર પડશે, તો હું તમને મદદ કરવા વિચારીશ. તેઓ સંમત થયા. તા. ૧૦-૯-૧૯૫૨
આજે ખાંભડાના રહીશ, હાલ ચાણોદમાં કબીર મંદિરમાં રહેતા સંત વેણીદાસ મળવા આવ્યા.
આજે લોકસત્તાના બે પ્રતિનિધિઓ આવ્યા તેમણે વેચાણવેરા અંગે મહારાજશ્રી સાથે ચર્ચા કરી. તા. ૧૩-૯-૧૯૫૨
આજે મજૂર મહાજનવાળા શાંતિભાઈ દેસાઈ અને ગુજરાત વિદ્યાપીઠના ચાર ભાઈઓ કે જે મહારાજશ્રી તરફથી ગામડામાં કામ કરવા બેસવાના છે. તેઓ અઠવાડિયું મહારાજશ્રી પાસે અનુભવ લેવા આવ્યા હતા. તેમની સાથે આખી કાર્યપદ્ધતિ અને દેશની સ્થિતિનો ખ્યાલ આપ્યો હતો.
આજે ગામમાં સમૂહકાંતણનું આયોજન કરવામાં આવ્યું હતું. તા. ૧૪-૯-૧૯૫૨
આજે લિંબડીથી રતનબેન, સમરતબહેન અને બીજાં એક બહેન દર્શને આવ્યાં હતાં.
બપોરના બોટાદથી સોમાણી એક વકીલ અને મ્યુનિસિપલના પ્રમુખ અને કાર્યકરો આવ્યા હતા. આજે સમરતબા અને રતનબહેન ગયાં. આ સમરબાને ત્યાં પહેલાં મહારાજશ્રી ઘણો વખત રહેલા અને તેમને બા તરીકે જ માને છે. એટલે પરસ્પર ખૂબ જ લાગણી અને પ્રેમભાવ ધરાવે છે. તા. ૧૯-૯-૧૫ર
આજે બોટાદથી કેટલાક વિદ્યાર્થીઓ ચાલતા આવ્યા હતા. તેમને મહારાજશ્રી સાથે શિક્ષણ અને ધર્મ વિષે સારી ચર્ચા કરી લીધી. સાધુતાની પગદંડી
