________________
રીતે આ કેસ માંડી વાળવા કહે છે... બે દિવસમાં લાવી આપીશું. બહેનને કહેવા જાય છે. ૪૦ તમને આપીશું તું માંડી વાળ આવી આવી વાતો આવે છે. છતાં ગામનાં ડાહ્યા માણસો કંઈ કરી શકતાં નથી. જ્યાં સુધી નહિ કહો ત્યાં સુધી તમારે જાતે જ શોષવાનું છે. બગડની અંદર આવાં તત્ત્વો કેટલાય વખતથી કામ કરે છે. અનાજ ચોરાય છે. બેનોની લાજ લૂંટાય છે. છતાં લોકો જોઈ રહ્યાં છે. તમો બધાં વિચારો એનો કંઈ ઉકેલ લાવો. ભલે પ્રેમથી કહો બગડની આબરૂ રાખવી તમારા હાથમાં છે તેમ ખોવી પણ તમારા હાથમાં છે. - છોટુભાઈએ કહ્યું : આ પ્રસંગ ઊભો થયો છે અને અહીં સુધી હકીકત આવી છે. જો માણસ સચ્ચાઈને સ્વીકારે તો ઈશ્વર દયાળુ છે. તે સૌનું કલ્યાણ કરશે. માટે આપણે સૌ ચોખ્ખા થઈ જઈએ. રાજાઓનાં રાજ ગયાં, સરકાર ગઈ તો આપણે શું વિસાતમાં ? ભૂલ દરેકની થાય પણ ભૂલ થયા પછી તેને સુધારીએ નહિ તો ? આવા સંતપુરુષ આવતી કાલે તાવણીમાં તપવાના છે તો તે પહેલા બાજી સુધારી લેવી. રાવણને હરાવી રામને પ્રસ્થાપિત કરીએ.
સભામાં મહારાજશ્રીએ જણાવ્યું કે મેં સવારમાં કહેવાની હતી તે બધી વાત સારી રીતે કરી દીધી છે. તમારા સૌના અંતરમાં ઈશ્વર કે ખુદા જાગ્રત થાય અને તમને એ વાત સમજાઈ જાય કે, આપણી આ ફરજ છે તો ઘણું કરી શકો. મને વિશ્વાસ છે, કે દુનિયામાં અનેક પ્રકારના લોકો વસે છે. સત્ય પણ છે, જૂઠ પણ છે. ઈષ્ટ છે તેમ અનિષ્ટ પણ છે. અને આપણે અનિષ્ટથી બચીએ એવી પ્રભુપ્રાર્થના કરીએ. જેટલી તાવણી મારી થશે એટલી શુદ્ધિ થશે. સચ્ચાઈ હશે તો જરૂર છૂટી જવાશે એ રામ બોલ્યા વગર રહેવાના નથી. ગુનો સમાજમાં જાહેર કરવો એ સામાન્ય વાત નથી. શ્રદ્ધેય વ્યક્તિ આગળ દિલ ખુલ્લું કરી શકે પણ સમાજ આગળ દિલ ખુલ્લું કરતાં આંચકો લાગે છે, પણ જે એકરાર કરે છે એના તરફ સમાજનો સદૂભાવ વધે છે. એટલું જ નહિ પણ લોકો પૂજે છે. ઘણાયે દાખલા મળે છે. પાપીના પાપ છૂટી ગયાં છે. હા પણ જો દંભ કરે તો તેનો વિશ્વાસ નહિ રહે, સામ સામા આવે ત્યારે સાચું બોલે તે સચ્ચાઈ નથી. પણ દિલથી પ્રકાશે ત્યારે તેની શક્તિ વધે છે. ૯૨
સાધુતાની પગદંડી
