________________
તા. ૭-૧૧-૧૯૫૨ : કાનીયાડ
બગડથી નીકળી કાનીયાડ આવ્યા. અંતર પાંચ માઈલ હશે. ઉતારો ઉપાશ્રયમાં રાખ્યો. રાત્રી સભામાં મહારાજશ્રીએ ભૂદાન ઉપર પ્રવચન આપ્યું. લોકોને અસર થઈ આ ગામેથી કુલ ૫૦ વીઘાં ભૂદાન મળ્યું. તા. ૯-૧૧-૧૯૫૨ : પાળિયાદ
કાનીયાડથી પાળિયાદ આવ્યા. અંતર પાંચ માઈલ હશે. ઉતારો નિશાળમાં રાખ્યો હતો. લોકો દૂર સુધી સ્વાગત માટે સામા આવ્યા હતા. રાત્રી સભામાં ભૂમિદાનનું તત્ત્વજ્ઞાન સમજાવ્યું હતું. અહીં ૧૩૭ વીઘાં ભૂદાન મળ્યું હતું. અહીં ઉન્નડબાપુની પ્રખ્યાત જગ્યા છે. તા. ૧૦-૧૧-૧૫ર સરવા
પાળિયાદથી સરવા આવ્યા. અંતર છ માઈલ હશે. ઉતારો ઉપાશ્રયમાં રાખ્યો. અહીં આવતાં રસ્તામાં પાણીની એક સરવાણી જોવા મળી. પથ્થર નીચેથી કાયમ ઝરો વહ્યા કરે છે. અહીં ૨૧૪ વીધાં ભૂદાન મળ્યું. તા. ૧૧-૧૧-૧૯૫૨ ઃ વીડિયા
સરવાથી નીકળી વીંછિયા આવ્યા. અંતર છ માઈલ હશે. ઉતારો દરબારગઢમાં રાખ્યો. લોકોએ ભજનમંડળી સાથે સ્વાગત કર્યું. બપોરે બહેનોની સભા રાખી હતી. રાત્રે જાહેર સભામાં મહારાજશ્રીએ ત્યાગની ફિલસૂફી સમજાવી હતી. સભા પૂરી થયા પછી વિદ્યાર્થીઓએ કસરતના દાવ કરી બતાવ્યા હતા.
અહીં ગામમાં બે પક્ષો હતા. એક મ્યુનિસિપલ પક્ષ અને બીજો કોંગ્રેસ પક્ષ. મહારાજશ્રીએ બંને પક્ષોને સમજાવી સમાધાન કરાવ્યું. મ્યુ. પ્રમુખે રાજીનામું ધરી દીધું. પછી કાર્યકરોએ ભૂદાનનો પ્રયત્ન શરૂ કર્યો અને તેનું સુંદર પરિણામ આવ્યું. ૨૮૭ વીઘાં ભૂદાન મળ્યું. પ૫૧ રૂપિયા સંપત્તિ દાન મળ્યું. તા. ૧૩-૧૧-૧૯૫૨ : મોટામાત્રા
વીંછિયાથી મોટામાત્રા આવ્યા. અંતર ચાર માઈલ હશે. ઉતારો એક વેપારીના ત્યાં રાખ્યો હતો. રાત્રે સભામાં કેટલાક માણસોએ ચા નહિ
સાધુતાની પગદંડી
