________________
લખતા નથી. પરંતુ વાહણપગી પોતાની ફરજ સમજીને તમને મદદ કરે તો મહારાજશ્રીને વાંધો નથી. તેમના આગ્રહથી મેં (મણિભાઈએ) કાગળ લખી આપ્યો હતો કે આપણે ખુલાસા ના થાય ત્યાં સુધી મહારાજશ્રીના કાગળનો સવાલ ઊભો થતો નથી, પણ તમારા ગામની દીકરી છે એટલે બેન સમજીને, તમને ફરજ સમજી મદદ કરવાનું લાગે તો મહારાજશ્રીને વાંધો નથી. તા. ૪-૮-૧૯૫૨
આજે સંતબાલજીનાં સંસારીબહેન મણિબહેન અને વનિતાબહેન, ઉમેદરામભાઈ વગેરે મળવા આવ્યા હતા.
મજૂર મહાજનવાળા નગીનભાઈ શાહ પણ આવ્યા. એમની સાથે વેચાણવેરા અંગે અને બીજી કેટલીક વાતો થઈ.
કમળાબેન શેઠ હાલનાં (સદ્ગુણાશ્રી સાધ્વી) મળવા આવ્યાં. તેમને મહિલા મંડળમાં શું કરવું? એ વિષે ચર્ચા થઈ. કમળાબહેને કહ્યું કેટલાક સાધ્વીબહેનો સામાજિક કામો કરવા ખાસ કરીને શિક્ષણના કામમાં રસ લેવા ઈચ્છે છે. તો તે કેવી રીતે શરૂ કરી શકાય ? મહારાજશ્રીએ કહ્યું, પ્રથમ પોતાની મર્યાદા નક્કી કરી દેવી કે ક્યો કાર્યક્રમ હાથ ધરવો છે જેમકે શિક્ષણ માટે નિશાળમાં જવું, શિક્ષકોનો સંપર્ક સાધવો. વાલીઓને મળવું. હરિજનવાસમાં સંપર્ક સાધવો. અને પછી તો અનુભવે કામ સૂઝતું જશે. લોકોની ટીકા પ્રથમ થશે. પણ ચારિત્ર્યથી બધું શમી જશે. તા. ૫-૮-૧૫ર
આજે ખેડૂત મંડળની મધ્યસ્થ કારોબારની મિટિંગ હોવાથી કાર્યકરો આવ્યા હતા. આજે પૂ. સંતબાલજીનો ૪૯ મો જન્મદિવસ છે. એટલે આનંદનો દિવસ છે. દીર્ધાયુષ્ય ઈચ્છતા ઘણા પત્રો આવ્યા છે. મહારાજશ્રીએ પોતાના આધીન મણિબહેન, કાશીબહેન, દેવીબહેન, નંદલાલભાઈ વગેરેનું સ્મરણ કર્યું હતું અને મીઠી યાદ આપી હતી. અને બધાએ સાથે મળી વિકાસ સાધવા ચાહ્યું હતું.
રાત્રી પ્રાર્થના બાદ છોટુભાઈના સૂચનથી શ્રી. નાનચંદભાઈએ થોડું પ્રાસંગિક કહેતાં જણાવ્યું કે, પોતે પણ આજ દિવસે ધોલેરા એક વરસ સાધુતાની પગદંડી
