________________
બીજા ભાઈને બોલાવ્યા. મહારાજશ્રીએ બંનેને સમજાવ્યા. શાંતિ કરાવી. તા. ર૬-૬-૧૯૫૨
મીરાંબહેનની ઈચ્છા કોઈ બહેનો તૈયાર થાય તો તેમને ભણાવવાની હતી. એટલે છોટુભાઈ સાથે અમે ગામમાં ફર્યા. કેટલાક બહેનો ભણવા તૈયાર થયાં. પણ મોટી ઉંમરને કારણે શરમ આવતી હતી એટલે મનુભાઈને ઘેર ભણાવવાનું નક્કી કર્યું.
નાનચંદભાઈને ગાયોની કરુણ સ્થિતિ જોઈને ઉપવાસ કરવાના વિચારો આવતા હતા. એટલે તેમને તાર કરી બોલાવ્યા હતા. મહારાજશ્રીએ તેમને આખી સ્થિતિનો ખ્યાલ આપ્યો. હાલ તુરત ઉપવાસ ન કરવા પણ ઈચ્છા થતી હોય તો અઠવાડિયું દૂધ ઉપર રહેવું એમ કહ્યું. અને ઘાસ તેમજ ગરીબ જનતા માટે બને તેટલું કરી છૂટવું. હવે બજેટની ચિંતા ન કરવી. પણ આપણી શક્તિ મુજબ કામ કરવું. ઘાસ વધારે મળે તેવા પ્રયત્નો કરવા. એમ કહી સમાધાન આપ્યું. રાત્રે જાહેરસભા થઈ. પ્રાર્થના બાદ ભૂરીબાઈની કથા કહી હતી. સાસુ વહને રોજ ઝઘડા થાય. આડોશીપાડોશી બંનેને ચઢાવે. વહુ કંટાળી ગઈ હતી. નાનચંદજી મહારાજ થાન આવેલાં ત્યારે આ બાઈ તેમની પાસે ગઈ કહ્યું કે, મને વશીકરણ મંત્ર આપો કે જેથી મારી સાસુ વશ થાય. મહારાજે કહ્યું, સાસુ એકવીસ વાર ગાળ બોલે. ત્યાં સુધી મૌન પાળવું. એની ચરી પાળવી પડશે. બાઈએ એમ કર્યું. અને કજિયો મટી ગયો. બંનેએ પોતપોતાનું સંશોધન કર્યું. અને એટલો બધો પ્રેમ બંધાયો કે, સાસુ, વહુને એક મિનિટ પણ છૂટી ન મૂકે. લોકો દાખલો આપવા લાગ્યા કે, સાસુ વહુનો પ્રેમ જોવો હોઈ તો જાઓ ભૂરીને ત્યાં.
આજે રાતળાવના બે ભાઈઓ આવ્યા. તેમના બે બળદ ચોરાયા છે. અને તે અહીં ખસમાં છે. એવી ભાળ મળેલી. મહારાજશ્રીએ આગેવાનને વાત કરી. તપાસ કરાવી. બળદ રાખનાર ધણીએ કબૂલ કર્યું.
બનેલું એવું કે આ બળદો અહીંનો એક ભંગી જે દલાલી કરે છે એણે અહીંના વાઘરી પાસેથી અપાવેલો. એ વાઘરી, ચંદરવાનો વાઘરી જે બળદ લાવેલો એના ઓળખાણ ખાતર અહીંનો વાઘરી સાથે આવેલો આ બંને વાઘરી મુંબઈ છે. મહારાજશ્રીએ કહ્યું કે, ઘર મેળે સમાધાન કરવું
૬૮
સાધુતાની પગદંડી
