________________
તા. ૪-૫-૧૨-૧૫૧ : મોટા ત્રાડિયા
બાજરડાથી નીકળી મોટા ત્રાડિયા આવ્યા. અંતર ચાર માઈલ. ઉતારો જીવાભાઈ શેઠને ત્યાં રાખ્યો હતો. તા. ૬-૧૨-૧૯૫૧ : નાના ત્રાડિયા
મોટા ત્રાડિયાથી નીકળી સાંજના નાના ત્રાડિયા આવ્યા. અંતર ત્રણ માઈલ હશે. ઉતારો મંદિરમાં રાખ્યો હતો. રાત્રે જાહેર સભા થઈ. મતદાન કરવા અંગે ગામમાં સંપ ન દેખાયો તે વિશે પ્રાસંગિક કહેવાયું. તા. ૭-૧૨-૧૯૫૧ : ઝાંઝરકા
નાના ત્રાડિયાથી ઝાંઝરકા આવ્યા. અંતર ચાર માઈલ હશે ઉતારો એક મકાનમાં રાખ્યો હતો. અહીં હરિજનોનું પ્રખ્યાત મંદિર છે. ગુજરાતમાં સૌથી મોટી જગ્યા છે. સંચાલક લાલદાસજી મહારાજ છે. મુખ્ય કાર્યકર મણિભાઈ શીવલાલ છે. રાત્રીસભા સારી થઈ હતી. તા. ૮-૧૨-૧૯૫૧ ઃ ચારોડિયા
ઝાંઝરકાથી ચારોડિયા આવ્યા અંતર બે માઈલ હશે. ઉતારો મંદિરમાં રાખ્યો હતો. બપોરના લોકોને બોલાવી વાતો કરી. આ સભામાં લોકોએ કોંગ્રેસને મત આપવા ઠરાવ કર્યો હતો. તા. ૯-૧૨-૧૫૧ ઃ છસીયાળા
ચારોડિયાથી છસીયાળા થઈ ગલશાણા આવ્યા. અંતર ત્રણ માઈલ હશે. ઉતારો સ્વામીનારાયણ મંદિરમાં રાખ્યો. રાત્રે જાહેર સભા થઈ. તા. ૧૦-૧૨-૧૫૧ : વાગડ
ગલશાણાથી નીકળી વાગડ આવ્યા, અંતર એક માઈલ ઉતારો નાનભાઈને ઉતારે રાખ્યો અહીં કુરેશીભાઈ મળવા આવ્યા હતા. અહીંની જાહેરસભામાં બોલતાં મહારાજશ્રીએ જણાવ્યું કે -
એક સ્થળે જૈન સૂત્રોમાં આવે છે કે, જેમ ખોટી રીતે શસ્ત્રને પકડ્યું હોય તો એ આપણા જ હાથને લાગે છે. ઘણી વાર સાંભળ્યું છે કે, બંદૂક ઊંધી પકડાણી હોય તો ગોળી પ્રથમ એ પકડનારને વાગે છે. તલવાર અવળી પકડાય તો આપણા જ હાથ કાપે છે. એવી જ રીતે પોતે પકવેલું ૩૨
સાધુતાની પગદંડી
