________________
અને કોઈ વાર જઈએ એટલે છોકરાં માટે કંઈક ગળ્યું ખાવાનું લાવવું જોઈએ ને એટલે તે પછી લેતા આવ્યા. મતલબ કે દરેકે સારો ખર્ચ કર્યો. જુઓ, મામલતદારે ગામબેઠા તગાવી આપવાની વ્યવસ્થા કરી હોત તો આટલો ખોટો ખર્ચ ખેડૂતોને ન થાત. અમલદારને એટલી ભાવના હોવી જોઈએ ને ધરજીથી નીકળી શિયાળ આવ્યા. અંતર આઠ માઈલ હશે. ઉતારો બંગલામાં રાખ્યો હતો. છોટુભાઈ સાથે આવ્યા હતા. અહીંની સોસાયટીમાં કપાસિયા મણ ૧૦૩ મણ ઘટતા હતા એ વિશે વાતચીત કરી. તા. ૮-૫-૧૯૫૨ થી ૨૦-૫-૧૯૫૨ : ગૂંદી
શિયાળથી નીકળી ગૂંદી આવ્યા. અંતર બાર માઈલ હશે. અહીં સર્વોદય કેંદ્રમાં કાર્યકર્તા તાલીમ વર્ગ રાખવાનો હતો. મહારાજશ્રીએ હાજરી આપવાની હતી. વર્ગ ૨૦ તારીખ સુધી ચાલ્યો. લગભગ ૬૦ ભાઈ બહેનોએ એમાં ભાગ લીધો. ખર્ચ પેટે ૧૨ રૂપિયા પ્રવેશ ફી લેવામાં આવી હતી. પ્રવચનો ઉપરાંત ઠીક ઠીક ચર્ચાઓ પણ થઈ. એમાં ભૂમિદાન, કેન્દ્રીયકરણ વિકેન્દ્રીકરણ, નારી પ્રતિષ્ઠા, પંચવર્ષીય યોજના, સંતતિનિયમન વગેરે બાબતો ચર્ચાઈ હતી. તેમાં ઘણાં ભાઈ બહેનોએ ભાગ લીધો હતો. છેલ્લા દિવસે શ્રી બબલભાઈ મહેતા આવ્યા હતા. પૂર્ણાહુતિ વખતે શ્રી કુરેશીભાઈ આવ્યા હતા. તેમના દીકરાનાં લગ્ન થયેલાં હોવાથી વરવધૂ મહારાજશ્રીના આશીર્વાદ લેવા આવ્યા હતા.
વર્ગનાં ભાઈ બહેનો રોજ બે કલાક શ્રમકાર્યમાં તળાવ ખોદાણમાં કામ કરતા મજૂરો સાથે માટી કામ કરતા હતા. એક દિવસ અરણેજ અને જવારજ ગામે પર્યટન રાખ્યું હતું. દુલેરાય માટલિયા અને તેમનું ગ્રુપ બાબાપુર સર્વોદયવાળા બાબુભાઈ રાવળ, ભાંડુના ભાઈ બહેનો વગેરે આવ્યા હતા. છેલ્લે દિવસે કેટલાક ભાઈ બહેનોએ પ્રતિજ્ઞા લીધી હતી. બે દિવસ મનોરંજન કાર્યક્રમ રાખ્યો હતો.
એકંદરે વર્ગનું કામ ખૂબ સુંદર રીતે ચાલ્યું હતું. સંચાલક તરીકે જયંતીભાઈ હતા. ગૃહમાતા તરીકે મણિબહેન હતા એક દિવસ સરકારી અધિકારીઓની મિટિંગ હતી. એક દિવસ વિશ્વ વાત્સલ્યની મિટિંગ હતી. અમારા પ્રવાસ દરમિયાન અરણેજમાં ઘઉંના સંશોધન ફાર્મની મુલાકાત લીધી હતી. (શિબિર પ્રવચનોની નોંધ બીજી નોટમાં લખેલી છે.) પ૮
સાધુતાની પગદંડી
