________________
બીજી વાત હોદ્દાઓની બદલીની હતી. આજે કામ તો સૌ કરે છે. પણ ઘરમાં ધંધો ચાલુ રાખીને. આથી હોદાની પ્રતિષ્ઠાનો ઉપયોગ જાણેઅજાણ્યે ધંધામાં થઈ જાય છે. વળી બહાર જનતામાં પણ સારી છાપ પડતી નથી. એટલે કાં તો સંપૂર્ણ સમય આપવો જોઈએ અગર નવા લોહીને દાખલ કરવું જોઈએ. નવા કોઈ તૈયાર ના હોય તો આપણે તૈયાર કરવા જોઈએ. બધા કાર્યકરો મહારાજશ્રીની આ વાતમાં સહમત થયા. પણ નવા લોકો આવતા નથી તેની મુશ્કેલી બતાવી. કોઈને હોદ્દાનો મોહ નથી. એમને પણ દુઃખ રહ્યાં કરે છે.
બપોર પછી તળાવમાં ઝાડ નીચે જાહેર સભા થઈ. એમાં પ્રમુખ તરીકે પાટડીવાળા મોહનભાઈની વરણી થઈ. અને અબ્દુલ ગનીખાન વિષે સર્વાનુમતે ઠરાવ થયો. પછી સહકારી મંડળી રચવા અને દુષ્કાળ અંગે વાતો કરી સૌ વિખરાયાં. તા. ૪,૫-૫-૧૫ર શાપુર
કમીજલાથી શાપુર આવ્યા. અંતર છ માઈલ હશે. ઉતારો ભરવાડ વાસમાં રાખ્યો હતો. આ ગામમાં પઢાર અને હમજા નામના મુસલમાનોની વસ્તી મુખ્ય છે. આ બંને કોમ મહેનતુ છે. પણ કામ નહીં હોવાને કારણે તદ્દન ગરીબ અવસ્થામાં જીવે છે. રાત્રે ધોલેરાથી ચંપકભાઈ પૂજારા (કાર્યકર) બીડ ભરવા આવ્યા હતા તેમને ગામમાંથી બીડની વ્યવસ્થા કરી આપી હતી. અહીં વાણિયાનાં બે ઘર છે. તા. ૬-૫-૧૫ર : વેક્રીયા
શાપુરથી નીકળી વેકરીયા આવ્યા. અંતર પાંચ માઈલ હશે. દુષ્કાળ રાહતનું જ કામ જોયું. તા. ૫-૧૯૫ર : શિયાળ
વેકરિયાથી નીકળી ધરજી આવ્યા. અંતર પાંચ માઈલ હશે. ઉતારો માતાના મઢમાં રાખ્યો. દુષ્કાળ અંગે લોકો સાથે ચર્ચા કરી. અહીંના લોકો ખાતાની તગાવી માટે ધોળકા ગયા. આખી મોટર ભાડે કરી રૂપિયા એકસો ચાલીસ ભાડાના આપ્યા. તેમને પૂછ્યું : શું વાપર્યું તો કહે, ચાર વખત ચા પીધી. રાત્રે સિનેમાં જોયું. સવા રૂપિયો આપી વીશીમાં ખાધું. સાધુતાની પગદંડી
પ૭
