________________
તા. રપ-૪-૧૯૫૨ : નવરંગપુરા,
કારીયાળાથી નવરંગપુરા આવ્યા. અંતર પાંચ માઈલ હશે. તા. ૨૬-૪-૧૯૫૨ : પાટડી
નવરંગપુરાથી પાટડી આવ્યા. અંતર ચાર માઈલ હશે. તળાવ ખોદાણનું કામ ચાલતું હતું. તે જોવા ગયાં. મજૂરો સાથે વાતો કરી. બપોરના અગરીયા ભાઈઓ સાથે વાતો કરી. આજુબાજુ મીઠું મોટાપ્રમાણમાં તૈયાર થાય છે. તા. ૨૭ થી ૩૦-૪-૧૫ર : ઉપરીઆળા
પાટડીથી ઉપરીઆળા આવ્યા. અંતર છ માઈલ હશે. લલિતભાઈ ઉપાધ્યાય તથા ગામના થોડા આગેવાન મળવા આવ્યા હતા. અહીં કુરેશીભાઈ મળવા આવ્યા હતા.
ઉપરીઆળામાં જૈનોનું મંદિર અને ધર્મશાળા સારાં છે. તેથી વિરમગામથી આવેલા છબીલભાઈને તે જોવાની ઈચ્છા થઈ એટલે તેઓ બીજા મિત્રો સાથે ત્યાં ગયાં. પણ તેઓ હરિજન હોવાથી પ્રવેશ ના મળ્યો. આ જાણી મહારાજશ્રીને ખૂબ દુઃખ થયું. તા. ૧-૫-૧૯૫૨ ઃ થોરીમુબારક
ઉપરીઆળાથી થોરીમુબારક અને વસવેલિયા આવ્યા. તા. ૨,૩-૫-૧૫૨ : ક્ષ્મીજલા
વસવેલિયાથી કમીજલા આવ્યા. અંતર છ માઈલ હશે. ઉતારો એક મકાનમાં રાખ્યો. લોકો સ્વાગત કરવા માટે ખૂબ દૂર સુધી સામે આવ્યા હતા. અહીં આજુબાજુના દસ ગામના લોકોની તેમજ વિરમગામ તાલુકાના કાર્યકરોની મિટિંગ રાખી હતી. પી.ડબલ્યુ.ડી. અધિકારી, સહકારી મંડળીવાળા, અને કલ્યાણ કપાસવાળા પણ આવ્યા હતા. બપોરના કાર્યકરો સાથે વાતો થઈ. તેમાં મહારાજશ્રીએ મુખ્ય બે વાતો કરી. એક તો અસ્પૃશ્યતા નિવારણ જોકે સામાજિક મુદ્દો છે. તોપણ આજ સુધી કાર્યકરોએ જે ઢીલાશ રાખી છે. તેને હવે દૂર કરી પોતાના ઘરનો વિરોધ સહન કરીને પણ એને દૂર કરવી જોઈએ.
સાધુતાની પગદંડી
૫૬
