________________
તા. ૯ થી ૧૧-૬-૧૯૫૨ : ગૂંદી - બગોદરાથી ગૂંદી આવ્યા. અંતર સાત માઈલ હશે. ઉતારો મહાદેવમાં રાખ્યો. તા. ૧૧મીએ સાંજના ગ્રામપંચાયત અંગે દોરવણી આપવા ગામમાં ગયા હતા. રાત્રે સરકાર તરફથી ચાલતી સર્વોદય નાટ્ય કળાએ પોતાનું નાટક રજૂ કર્યું હતું. આ નાટક દોઢલાખ રૂપિયાના ખર્ચે ચાલે છે. પોતાના જ બધાં સાધનો રાખે છે. ગામડાના લોકોને પ્રસંગો દ્વારા, પ્રયોગો દ્વારા અને સંગીત દ્વારા સંસ્કાર મળે એ રીતે તેમને પ્રયોગ કર્યા. હરિજન કાયદો, કોંગ્રેસ, ખેડૂતોના પ્રશ્નો વગેરે ચર્ચાયા હતા. લોકગીતો, નૃત્યો, વગેરે બતાવ્યું હતું.
અહીં રેલવે ટ્રોલી લૂંટાયેલી તેના અંગે આપણે શું કરવું એ અંગે વિચારણા થઈ, ઘણી ચર્ચા ચાલી. આજની કોટીનું કામકાજ અને પોલીસ ખાતાની કાર્યવાહી ગુનેગારને શોધી કાઢવામાં મુશ્કેલીઓ ઊભી કરે છે તે જણાયું. કોઈ એકાદ બાતમીદાર લૂંટારાને બતાવે એનો કાર્ટમાં કેસ ચાલે અને જો એ નિર્દોષ છૂટી જાય તો પછી બાતમીદારનું શું થાય ? આપણે ગુનેગારને શોધી લાવીએ પછી શું કરી શકીએ વગેરે પ્રશ્નો ચર્ચાયા હતા. વાહણ પગી વિષે વાતો થઈ. હરિભાઈ તપાસ કરવા હડાળા જઈ આવ્યા. પણ વાહણ દોષિત દેખાયો નહીં. પછી હરિભાઈ રાજકોટ રસિકભાઈ પરીખને મળી આવ્યા, એમણે હૈયાધારણ આપી. તા. ૧૬-૧૫ર : બરોલ
ગૂંદીથી નીકળી બરોલ આવ્યા. અંતર છ માઈલ હશે. ઉતારો પાનાચંદભાઈને ત્યાં રાખ્યો હતો. ટ્રોલીલૂંટ અંગે કેટલીક વાતો થઈ. તા. ૧૩-૬-૧૯૫ર : વખતપુર
બરોલથી નીકળી વખતપુર આવ્યા. અંતર છ માઈલ હશે. ઉતારો મથુર પથાને ત્યાં રાખ્યો હતો. ધોળીવાળા ભાઈઓ આવ્યા હતા. વાહણપગી અને જશુભા પણ ટ્રોલી લૂંટ અંગે તપાસ કરવા જતા હતા. તેઓ મહારાજશ્રી સાથે વાતો કરવા અહીં આવ્યા હતા. તા. ૧૪-૬-૧૯૫૨ : ખડોલ
વખતપુરથી નીકળી ખડોલ આવ્યા. અંતર છ માઈલ હશે. ઉતારો ચોરામાં રાખ્યો હતો.
સાધુતાની પગદંડી
