________________
પ્રતિષ્ઠા આપ્યા કરશું તો તે જાગશે શી રીતે ? એટલે આ બધો કાદવ કાઢવા માટે આપણે સૌએ કમર કસવાની જરૂર છે. બધાં મંડળો વ્યવહા૨શુદ્ધિ મંડળ, સર્વોદય મંડળ અને રચનાત્મક કાર્યકરોએ બધાંએ એકઠા થઈને ગંદકી સાફ કરવા લાગી જવું પડશે.
તા. ૨૬ થી ૨-૨-૧૯૫૨ : રાણપુર
નાગનેશથી નીકળી રાણપુર આવ્યા. અંતર સાડાત્રણ માઈલ હશે. ઉતારો મોઢબોર્ડિંગમાં રાખ્યો હતો.
રાણપુરના આઠ દિવસના નિવાસ દરમિયાન જુદા જુદા માણસોનો સંપર્ક સાધ્યો. અહીં કાર્યકરોનો એકરાગ નથી તે માટે રૂબરૂ બોલાવી અરસપરસ સમજૂતી આપી.
સૌભાગ્યચંદ અને વાડીભાઈ વચ્ચે ઝઘડો છે. તે પતાવવા માટે પ્રયત્ન
કર્યો.
ભૂધરભાઈ કરીને પ્રજામંડળના પ્રમુખ છે. તેમનો અને એક મિસ્ત્રીનો મકાન અંગે ઝઘડો હતો. તેમનું સમાધાન કરાવવા પ્રયત્ન કર્યો, પણ ના થયો. બીજા અનેક મતભેદોના પ્રસંગોમાં સમાધાન કરવા પ્રયત્ન કર્યો. તા. ૩-૨-૧૯૫૨ : ખોખરનેશ
રાણપુરથી નીકળી ખોખરનેશ આવ્યા. અંતર સાડાત્રણ માઈલ હશે. ઉતારો મંદિરમાં રાખ્યો હતો. મારી સાથે વિદ્યાર્થીઓ આવ્યા હતા. રવિશંકર મહારાજ અહીં મળવા આવ્યા હતા. સભા સારી થઈ હતી. તા. ૪,૫-૨-૧૯૫૨ : ખસ
ખોખરનેશથી નીકળી ખસ આવ્યા. અંતર સાડાચાર માઈલ હશે. ઉતા૨ો બાબુભાઈના ઘરમાં રાખ્યો હતો. અહીં ગામ લોકોએ ચતુર્માસ રહેવા માટે આગ્રહ કર્યો હતો.
ચૂંટણીમાં વશ્રામભાઈના પક્ષ તરફ કંઈક ગેરવર્તાવ થયો છે એમ સાંભળ્યું એટલે બંને પક્ષને બોલાવ્યા. અને સાથે મળીને વ્યવહાર સમજાવ્યો, તા. ૬-૨-૧૯૫૨ : જાળિલા
ખસથી નીકળી જાળિલા આવ્યા. અંતર ચાર માઈલ હશે. ઉતારો ઉપાશ્રયમાં રાખ્યો હતો. રાત્રે ચર્ચા સારી થઈ હતી.
સાધુતાની પગદંડી
૪૩
