________________
ગામના એક માણસ પણ અપમાન કરે એ ગામની શરમ ગણાવી જોઈએ. રાત્રે નંદલાલભાઈ ઠક્કરે ભૂમિદાન અંગે જાહેરસભા રાખી હતી. તા. ૨૯ થી ૫-૩-૧૯૫૨ : રોજકા
ભડિયાદથી નીકળી રોજકા આવ્યા. અંતર દસ માઈલ હશે. ઉતારો ધર્મશાળામાં રાખ્યો હતો.
તા. ૪થીએ દુષ્કાળ અંગે એક જાહેરસભા બોલાવી હતી. દુષ્કાળના ભાલ વિસ્તારના લગભગ ૪૨ ગામના લોકોએ હાજરી આપી હતી. ગામે મંડપ બાંધ્યો હતો. કુરેશીભાઈ, ડૉ. શાન્તિભાઈ, અંબુભાઈ, નવલભાઈ વગેરે આવ્યા હતા. સભામાં ખોદાણકામ, સસ્તું અનાજ, ચણા, નીરણકેન્દ્ર, ઘાસ વગેરે સરકારે કરવા ધારેલા નિયમો અંગે વિચારણા થઈ. ત્યારબાદ મહારાજશ્રીએ જણાવ્યું હતું કે ચૂંટણીમાં મેં કહ્યું હતું કે હું દુષ્કાળનું કામ બરાબર ગોઠવાઈ ન જાય ત્યાં સુધી તાલુકો છોડીશ નહિ. હવે એ કામ ગોઠવાઈ ગયું છે એટલે છૂટા પડતાં પહેલાં તમને મળી લેવું જોઈએ. એ રીતે તમોને બધાને બોલાવ્યા છે. હું બહુ દૂર જવાનો નથી. તમારી તરફ નજર તો રાખતો રહીશ.
ત્યારબાદ અંબુભાઈએ કેટલાક ઠરાવો મૂક્યા. નવલભાઈએ તગાવીનો દુરઉપયોગ ન કરવા કહ્યું અને ડૉ. શાંતિભાઈએ દુષ્કાળમાં ભાગ કેવો અને કેટલો આપવો તે સમજાવ્યું. કશું જ ના પાડ્યું હોય તો પંચ રૂબરૂ તેનો પંચક્યાસ કરાવી લેવો. શેર પાક્યું હોય તો પાશેર ભાગ આપી પાવતી લઈ લેવી. આમાં ભૂલ થશે તો બીજે વરસે જમીનદાર ખોટી રીતે કનડશે.
તા. ૬-૩-૧૯૫૨ : ખસતા
રોજકાથી નીકળી ખસતા આવ્યા. અંતર ત્રણ માઈલ હશે. ઉતારો ચોરામાં રાખ્યો હતો. દુષ્કાળની વ્યવસ્થા અંગે વાતો થઈ. આગેવાન પ્રતાપસંગભાઈ છે.
તા. ૭,૮-૩-૧૯૫૨ : ખડોળ
ખસતાથી ખડોળ આવ્યા, અંતર બે માઈલ હશે. ઉતારો ચોરામાં રાખ્યો. રાત્રે જાહેર સભા થઈ. અંબુભાઈ આવ્યા હતા. ખેડૂત પરિષદનું સ્થળ નક્કી કરવાનું હતું તે જોયું.
સાધુતાની પગદંડી
૪૯
