________________
પ્રતિક્રમણ હેતુગર્ભિત સ્વાધ્યાય/સંપાદિકાની વાત...
છે. ખૂબી એ છે કે આ ઢાળોમાં આપેલ દૃષ્ટાંતો કપોલકલ્પિત નથી પરંતુ ઘણાં તો આગમિક દૃષ્ટાંતો છે. જેનું સરળ લોકભોગ્ય ગુજરાતી ભાષામાં પૂ.યશોવિજયજી મ.સા.એ વર્ણન કરેલ છે. અને મારા જેવા બાલજીવો ઉપર વિશેષ ઉપકાર કરવા પંડિતવર્ય શ્રી પ્રવીણભાઈએ એના ગૂઢાર્થ ખોલી સુંદર વિવેચન કર્યું છે.
આ આખી રચના પૂર્ણ થતાં ઢાળ-૧૯માં પૂ. યશોવિજયજી મ. સા.એ ઉલ્લાસથી ગાયું ઃ
“વૈરાગ્ય બલ જીતીયું રે, દલિય તે દુર્જન દેખતાં રે, વિઘ્નની કોડાકોડ” – મને પણ આ ગ્રંથનું લખાણ નિર્વિઘ્ને પૂર્ણ થતાં અત્યંત આનંદ થયો. એકદમ ભાવના થઈ કે આ મહાપુરુષે રચેલ સ્તવન ‘આનંદકી ઘડી આઈ.....'ના અર્થ કરું. શ્રી પ્રવીણભાઈને પૂછતાં ‘હા’ પાડી એટલે આનંદની અભિવ્યક્તિરૂપ એ સ્તવનનું લખાણ થયું. જે આ કૃતિના અંતે મૂક્યું છે. માત્ર પાંચ કડીના સ્તવનમાં આ મહાપુરુષે સમ્યગ્દર્શનથી માંડી મોક્ષપ્રાપ્તિ સુધીનો આખો માર્ગ બતાવી દીધો છે જે તેઓશ્રીની યોગપ્રાપ્તિની રુચિ બતાવે છે.
3
આ સજ્ઝાયના અર્થ ક૨વાની અનુજ્ઞા આપનાર શ્રુતકાર્યમાં રત પૂજ્ય ગુરુદેવ ચારુનંદિતાશ્રીજી મ. સા.ની હું ખૂબ ખૂબ ઋણી છું. વળી, વડીલ સાધ્વી ભગવંતો પૂ. હિતરુચિતાશ્રીજી મ. સા. તથા પૂ. જિતમોહાશ્રીજી મ. સા. જેઓએ મારી પાસે અન્ય કામની અપેક્ષા ન રાખતાં મને પાઠ કરવાની અનુકૂળતા કરી આપી તેઓની પણ હું ઋણી છું. લખાણનું કાચું કામ કરી આપનાર જ્ઞાનરસિક અંકિતાબેનનો સહકાર પણ ભૂલી શકાય તેમ નથી.
પ્રાંતે આ કૃતિના લખાણ દ્વારા મારી પ્રતિક્રમણની ક્રિયા સમ્યગ્ બને અને હું પણ દોષોની નિંદા-ગર્હ કરતા કરતા આત્મશુદ્ધિ પામી કર્મનાં આવરણોને તોડતાં તોડતાં પરમપદને પ્રાપ્ત કરું એ જ એકની એક અભિલાષા.
‘લ્યાણમસ્તુ સર્વનીવાનામ્
વિ.સં. ૨૦૬૫, અષાઢ સુદ-૧૩ તા. ૫-૭-૦૯, રવિવાર ગીતાર્થગંગા, ૫, જૈન મર્ચન્ટ સોસાયટી, પાલડી,
અમદાવાદ-૩૮૦૦૦૭.
વ્યાખ્યાનવાચસ્પતિ પરમપૂજ્ય આચાર્ય ભગવંત શ્રીમદ્વિજય રામચંદ્રસૂરીશ્વરજી મહારાજાના સામ્રાજ્યવર્તી તથા પરમપૂજ્ય ચારુનંદિતાશ્રીજી મ. સા.ની શિષ્યા સાધ્વી ધ્યાનરુચિતાશ્રીજી મ. સા.
