________________
પ્રતિક્રમણ હેતુગર્ભિત સ્વાધ્યાયની
શંકલના
શ્રાવકને છ આવશ્યકમય પ્રતિક્રમણ પ્રતિદિન સવાર-સાંજ કર્તવ્ય છે જેનાથી સામાયિક તરફનો પરિણામ અભિમુખ થાય છે જે સામાયિકનો પરિણામ પ્રકર્ષને પામીને સર્વવિરતિનું કારણ બને છે અને સર્વવિરતિ જ પ્રકર્ષને પામીને અસંગભાવને પામીને વીતરાગનું કારણ બને છે, વીતરાગતા કેવળજ્ઞાનનું કારણ બને છે અને કેવળજ્ઞાન જ યોગ નિરોધનું કારણ બને છે. યોગનિરોધથી સર્વ દુઃખનો અંત થાય છે, જેથી દુઃખમય સંસારના પરિભ્રમણનો અંત થાય છે. માટે કલ્યાણના અર્થી જીવે ષઆવશ્યકમય પ્રતિક્રમણ કયા પ્રકારનાં પરિણામપૂર્વક કરવું જોઈએ તેનો વિશેષ બોધ કરાવવા અર્થે ઉપાધ્યાય યશોવિજયજી મહારાજ સાહેબે પ્રસ્તુત સક્ઝાયની રચના કરેલ છે. યોગ્ય જીવો તેનું સમ્યક સમાલોચન કરીને પ્રતિક્રમણ કરવામાં યત્ન કરશે તો ગ્રંથકારશ્રીની રચનાનો યોગ્ય ઉપકાર આપણને પ્રાપ્ત થશે.
છvસ્થતાને કારણે શ્રી જિનેશ્વરદેવની આજ્ઞાથી વિરુદ્ધ કે ગ્રંથકારશ્રીના આશયથી વિરુદ્ધ કાંઈપણ લખાયું હોય તો ત્રિવિધ ત્રિવિધે મિચ્છામિ દુક્કડં.
- પ્રવીણચંદ્ર ખીમજી મોતા
વિ.સં. ૨૦૬૫, અષાઢ સુદ-૧૩ તા. ૫-૭-૦૯, રવિવાર ૩૦૨, વિમલવિહાર, સરસ્વતી સોસાયટી, પાલડી, અમદાવાદ-૭. ફોન : ૦૭૯-૩૨૪૪૭૦૧૪
