________________
જોઈ રહ્યા છીએ.
ઈ.સ. ૧૮૫૭થી ૧૯૪૭ના એકસો વર્ષના ગાળામાં લોકશાસન, કે જે સંતશાસનને ખતમ કરી નાંખવા માટે તેની સામે ગોઠવાયેલી તોપ હતી તે દાખલ કરવાની પૂર્વભૂમિકા ખૂબ સરસ તૈયાર થઈ ગઈ. ઈ.સ. ૧૮૮૦માં ચૂંટણીનો કાયદો અને ઈ.સ. ૧૮૮૫માં કોંગ્રેસ સંસ્થાની સ્થાપના એ લોકશાસનની પાયલોટકારો ન હતી તો બીજું શું હતું?
લોકશાસન દ્વારા સંતશાસનનો નાશ ગોરાઓ જાણતા હતા કે પ્રજા અને તેની સંસ્કૃતિને નષ્ટભ્રષ્ટ કરી નાંખવી હોય તો અપરિપક્વ અને અણઘડ, પોતાના બાપ-જન્મારામાં રાજ કરવાની કળાને કદી ન જાણનારા, સ્વાર્થપ્રિય લોકોના હાથમાં રાજય મૂકી દેવું જોઈએ. આને “લોકશાસન' નામ આપવું જોઈએ. આનાથી સંતશાસન-કે જે ભારતીય પ્રજાના સફળતમ સર-સૂત્રધાર તરીકેનું કામ કરતું હતું તે ખતમ થાય અને સાથોસાથ રાજશાસન પણ નષ્ટ થાય.
આ બે ભારતીય પ્રજાના પ્રાણ હતા. તે ગયા બાદનું લોકશાસન તો આપ આપની યાદવાસ્થળી, અણઘડ નીતિઓ, સ્વાર્થાન્ધ રાજરમતો તથા અમીચંદ-મીરજાફરી મનોવૃત્તિઓથી આપમેળે જ ખતમ થઈ જવાનું છે.
અરાજકતા, અંધાધૂંધી અને પરિપક્વ નેતૃત્વવિહોણી પ્રજા મોંઘવારી, બેકારી, ગરીબીના ચક્રોમાં એવી જોરથી પિલાઈ જશે કે પ્રજાના હાડમાંસ પણ હાથમાં નહિ આવે. ત્યાં જોવા મળશે વેરાન વિરાટ ભારતની ધરતી; તેની ઉપર ઊભા થયેલા નગરો, બંધો, ઉદ્યોગનગરો, ઔદ્યોગિક વસાહતો, રાજધાનીઓ, લાખો માઈલોના રોડ, બાંધકામો, બંગલાઓ, મંદિરો, વિરાટ ખંડવાળા ઉપાશ્રયો વગેરે.
આ ગણિતને બર લાવવા માટે ગોરાઓએ ૧૯૪૭થી (કદાચ ઈ.સ. ૨૦૪૭ સુધી) લોકશાસનના સો વર્ષના છેલ્લા હપતાનો આરંભ કર્યો.
સ્વરાજ આપણે મેળવ્યું કે ગોરાઓએ જ આપણને આપ્યું ? આપણો નાશ કરીને આપણા પસીને, સંપત્તિએ અદ્યતન અમેરિકા જેવી બનેલી ભારતની ધરતીને કાયમ માટે હડપ કરી લેવા માટેની જ આ બધી રમતો નહીં હોય શું?
ભારતનું બંધારણ દેશહિતકારી અને સંસ્કૃતિનાશક કરોડો વર્ષોથી જે વ્યવસ્થાઓ અને મર્યાદાઓ દ્વારા આ આર્યપ્રજા મસ્ત રીતે પોતાનું જીવન જીવતી હતી તે તમામ વ્યવસ્થાઓ અને મર્યાદાઓને ગોરાઓએ અત્યંત આશ્ચર્યજનક ભેદી રમતો દ્વારા ખતમ કરી નાંખી છે. ફરી તે વ્યવસ્થાઓ અને મર્યાદાઓ તરફ પાછા ફરવાના દ્વાર પણ તેમણે સંપૂર્ણપણે ભ્રષ્ટ કરીને સડાવી-કોહડાવી નાંખ્યા છે. આવતી કાલે સંતોની વાણીની કદાચ વર્ષા થાય તો ય શું; બિયારણ જ સડીને સાફ થઈ ગયું હશે ત્યાં?
વિકાસના નામે આયુર્વેદ, પશુગણ, શિક્ષણ, નારી-જગત, યોગ, ખેતી વગેરે પ્રજાકીય જીવનના ખૂબ ખૂબ મૂલ્યવાન બળોને તે ગોરાઓએ નષ્ટભ્રષ્ટ કરી નાંખ્યા છે.
કમનસીબી જ ગણવી ને આ આર્યાવર્તની કે તેની જ પ્રજાનો અગ્રણી વર્ગ ગોરા-અંગ્રેજોના પક્ષે જઈ બેઠો અને પોતાના ઐહિક સ્વાર્થોની પૂર્તિ થવાથી તેણે પોતાના જાતભાઈઓની મસ્ત જિંદગી બરબાદ કરી, સંસ્કૃતિના મૂલ્યોનો બુકડો બોલાવી દીધો.
ગોરાઓએ ઘડી આપેલું પ્રજાસત્તાક ભારતનું બંધારણ જ એવા પ્રકારનું જણાય છે કે તેના દ્વારા ધર્મ તો મારો સ્વભાવ છે
જૈન મહાભારત ભાગ-૨
૪૨
