________________
બાઈબલ વાંચતા કોઈ પાદરીને તમે ક્યાંક જોયો છે? માથેથી લોહી વહી જાય તો ય જરાય અકળાયા વિના ખિસ્સામાંથી રૂમાલ કાઢીને લોહી લૂંછી નાખીને બાઈબલના વાંચનમાં લીન થતા પાદરીને તમે ક્યારેય જોયો નથી ?
અંતે... ગ્રામલોકોને તેના પ્રત્યે કરૂણા પેદા થાય છે. તે સહુને બાઈબલ સંભળાવવાનું શરૂ કરે છે. અને ગામના પ-૨૫ લોકો ક્રોસની સામે ઘૂંટણીએ પડવાનું શરૂ કરે છે કે પાદરીનો યજ્ઞ સો ટકાની સફળતા સમજયાપૂર્વક પૂરો થાય છે.
તમે મસ્જિદમાં નમાજ પઢવા ભેગા થયેલા મુસ્લિમોની સમક્ષ ધર્મના ઝનૂનથી બોલતા મૌલવીને જોયો છે ? વસતિવધારા માટેની હાકલ કરતા તેના હાકોટા સાંભળ્યા છે ?
છે આમાંની લાખમા ભાગની પણ તમામ વૈદિક કે જૈન ધર્મગુરૂઓની કોઈ આ વિષયમાં મહેનત ?
વાત તો એટલી બધી વણસી ગઈ છે કે તેને મરામત કરવા માટે ધર્મપ્રેમીઓએ-ખાસ કરીને ધર્મગુરૂઓએ-યુદ્ધના ધોરણે પોતાની કામગીરી શરૂ કરવી પડશે, સાચું કહેવા માટેની ખૂબ કડવી ફરજ બજાવીને જ રહેવું પડશે, એ માટે જે કાંઈ સહન કરવું પડે તે માટે સહર્ષ તૈયાર રહેવું પડશે.
ના, નહિ તો સંસ્કૃતિનાશ દ્વારા ભારતીય પ્રજાનાશના ભયાનક આક્રમણને કોઈ પણ રીતે હવે ખાળી શકાય તેમ નથી.
અર્જુન દ્વારા દુર્યોધનની મુક્તિ યુધિષ્ઠિરના આદેશથી અર્જુને એકાંતમાં બેસીને ઈન્દ્રનું સ્મરણ કર્યું. તરત જ ઈન્દ્ર ચન્દ્રશેખરની સાથે મોટી સેના મદદમાં મોકલી. અર્જુન ઈન્દ્રની સેનાને લઈને ખેચરો સાથે ટકરાયો. લડત આપતાં આપતાં તે ઠેઠ દુર્યોધનની પાસે આવી ગયો. તે વખતે વિદ્યાધરેશ્વર ચિત્રાંગદે અર્જુનને જોયો. “અરે, આ તો પરમ મિત્ર !' બોલતાંની સાથે ચિત્રાંગદ અર્જુન પાસે આવ્યો, પ્રણામ કર્યા. બંને મળ્યા. સઘળી વિગતની આપ-લે કર્યા બાદ અર્જુને ચિત્રાંગદને દુર્યોધન વગેરેને મુક્ત કરી દેવા જણાવ્યું.
ચિત્રાંગદે દુર્યોધનને મુક્ત કરતાં કહ્યું કે, “તારે હમણાં જ યુધિષ્ઠિર પાસે જઈને, તેમણે તને છોડાવ્યા બદલ કૃતજ્ઞતા વ્યક્ત કરીને નમસ્કાર કરવા પડશે.”
આવી રીતે મુક્ત થયેલા દુર્યોધનને મુક્તિ પણ ખૂબ જ વસમી બની ગઈ. યુધિષ્ઠિરની પ્રેરણાથી અને અર્જુનની મદદથી તેને મળેલી મુક્તિ તેને મંજૂર ન હતી. તે મનોમન બોલ્યો, “આના કરતાં તો કેદમાં રહીને મરી જવું સારું હતું.”
આવી મુક્તિથી નારાજ દુર્યોધન અર્જુનનો ઈન્દ્ર સાથે સંબંધ, ખેચરોની મદદ, ચિત્રાંગદની મૈત્રી વગેરે તેણે આંખેઆંખ જોયા, કાનોકાન સાંભળ્યા એથી એ પગથી માથા સુધી ઈર્ષ્યાથી જલી ગયો. કેદમાંથી છુટકારો થવા છતાં તેનું મુખ આનંદિત બનવાને બદલે વધુ કરમાઈ ગયું. - જ્યારે તે પોતાના ભાઈઓ વગેરેની સાથે યુધિષ્ઠિર પાસે આવ્યો ત્યારે સામે ચાલીને યુધિષ્ઠિર તેને ભેટી પડ્યો, તેને વહાલ કર્યું. ભાનુમતી તો પોતાના પતિનો છુટકારો થયેલો જોઈને રાજી થઈ ગઈ, પરન્તુ પતિના મોં ઉપરના ઉદાસીન ભાવ જોઈને તેનો આનંદ બે ડગલાં પીછેહઠ કરી ગયો.
કુન્તીએ દુર્યોધનને તાંબૂલથી વધાવ્યો અને ખૂબ આશીર્વાદ આપ્યા. પણ દુર્યોધને યુધિષ્ઠિરને કે કુન્તીને હાથ જોડીને પ્રણામ સુધ્ધાં ન કર્યા.
યુધિષ્ઠિરનું ટોચકક્ષાનું સૌજન્ય ! આ અનુચિતતા તરફ યુધિષ્ઠિરે લક્ષ પણ ન આપ્યું. તેણે દુર્યોધનને ખૂબ પ્રેમથી કહ્યું, “ભાઈ ! તું મજામાં છે ને? ખેચરોએ તારો પરાજય કર્યો તેથી તું ખૂબ ઉદાસ થયેલો જણાય છે. પણ તું ધર્મ તો મારો સ્વભાવ છે
જૈન મહાભારત ભાગ-૨
૪૯
