________________
છે અને તેમાંથી પેદા થયેલી સમસ્યાના દુઃખોએ તો લાખો આત્માઓના જીવન ઊગતાં પહેલાં જ આથમી નાંખ્યા છે !
દીર્ધદષ્ટિનો અભાવ શું કામ કરે છે તે આજના સુધારકો(!)એ ખૂબ વિચારવું પડશે.
આ દેશની પ્રજા દુઃખ કરતાં પાપને વધુ ખરાબ માનતી હતી. કોઈ સુખ મેળવવા જતાં જો પ્રજામાં વ્યાપક ધોરણે કોઈ પાપ ફેલાતું હોય તો વ્યક્તિ પોતે દુ:ખ ભોગવી લેવાનું પસંદ કરતી, કેમકે ખરાબ રસ્તે જતા સમાજની ધારણા કરવી, તેને ખરાબ રસ્તે જતો અટકાવવો તે પણ એક ધર્મ જ છે એમ સહુ માનતા.
આ માન્યતા ઉપર જ પુનર્લગ્ન, છૂટાછેડા, ગર્ભપાત, સંતતિ-નિયમન, સહશિક્ષણ, નારીસ્વાતંત્ર્ય વગેરે બાબતો-વ્યક્તિના દુઃખ દૂર કરીને સમષ્ટિમાં પાપો ફેલાવતાં તત્ત્વો-આર્યદષ્ટિથી ખૂબ જ વિઘાતક ગણાયા છે.
સહુએ બલિદાન તો દેવું જ પડશે સહુએ બલિદાન તો દેવું જ પડે; રાષ્ટ્ર, પ્રજા, સંસ્કૃતિ કે ધર્મ ખાતર. એ વખતે કોઈ પણ વ્યક્તિ માત્ર વ્યક્તિગત દુઃખને દૂર કરવાનો કે કોઈ વ્યક્તિગત સુખ મેળવી લેવાનો વિચાર કરી લે અને તેમ કરીને સાંસ્કૃતિક મર્યાદાઓ છિન્નભિન્ન કરે તે કદી ચાલી ન શકે.
ઘણાં મોટા બલિદાનથી સીતાઓ, પદ્મિનીઓ, જગડૂશાહો કે ભામાશાહોના જે પાળિયાઓ આ ધરતી ઉપર ખડા થયા છે તેને કાંકરી પણ મારવાનો કે તેની કાંકરી પણ ખેરવવાનો કોઈને પણ અધિકાર ન હોઈ શકે.
સર્વ અનિષ્ટોનું મૂળ : મર્યાદાલોપ આજે દેશની પ્રજામાં જેટલી ઘેરી સમસ્યાઓ પેદા થઈ છે તે બધાયના મૂળમાં સમષ્ટિનું હિત સાધતી સાંસ્કૃતિક મર્યાદાઓને તોડી-ફોડીને ખતમ કરાઈ છે તે કારણ છે.
આ મર્યાદાઓની પુન:પ્રતિષ્ઠા જ્યાં સુધી નહિ થાય ત્યાં સુધી થાગડથીગડ કરવા દ્વારા કદી કોઈ કાયમી ઉકેલ આવશે નહિ, બલ્ક પ્રજા વધુ ને વધુ કારમી અંધાધૂંધી તરફ ધકેલાઈને મહાવિનાશ પામી જશે.
ધર્મ તો મારો સ્વભાવ છે
જૈન મહાભારત ભાગ-૨
