________________
વગેરે જીવે કે જહન્નમમાં જાય તે બધું સરખું જ જણાતું હોય છે. આ બધાયના નામે પોતાનું ચરી ખાવાની વૃત્તિએ એમના જીવનના તમામ ક્ષેત્રમાં પોતાના ડેરા-તંબુ નાંખી દીધા છે. માનપાન અને ખાનપાનમાંથી આ મહાસ્વાર્થાન્ય અને દેશદ્રોહી લોકો કદી ઊંચા જ આવતા નથી. આવાઓની આસપાસ જી-હજૂરિયાઓનું ટોળું સતત જોવા મળે છે. અસ્તુ.
ગોરા લોકો-પછી તે અમેરીકન હોય કે રશિયન હોય-આજે પણ આ હિન્દુસ્તાન ઉપર રાજ કરી જ રહ્યા છે. એમણે આ દેશના “હિન્દુસ્તાન' નામમાં હિન્દુ શબ્દ હતો માટે જ તે આખું નામ ઉડાવી દીધું અને ‘ઇન્ડિયા' નામ ફેલાવી દીધું.
અને કંગાળ આપણે હિન્દુઓએ; રે ! ભૂલ્યો, દેશી અંગ્રેજોએ ! એમના ચમચાઓએ ! હિન્દુપ્રજાને નામશેષ કરતી એમની તરકીબને વધાવી લીધી !
ઢાંચો જ ભયંકર - હવે તો પરિસ્થિતિ એવી વણસી છે કે એ લોકો જે ઢાંચો ગોઠવીને ગયા છે એથી ધર્મ કરો તો ય, સંસ્કૃતિ સામે ઝુંબેશ ઉઠાવવાની હાકલ કરો તો ય એ બધું ય ધર્મ અને સંસ્કૃતિનું નાશક જ બની રહે છે. પેટના આંતરડાં જ નબળાં પડી ગયા હોય પછી તેમાં ચણાનું બેસન નાંખો તો ય શક્તિશોષ થાય અને દૂધ-ઘી પીઓ તો ય શક્તિશોષ થાય.
પુસ્તકો છપાવીને આ સંસ્કૃતિનાશની ભેદી કારસાજી જાહેર કરવામાં ય પ્રેસના યંત્રવાદને ઉત્તેજન મળી જાય છે.
ધાર્મિક શાસ્ત્રગ્રંથોને પુનર્મુદ્રિત કરાવીને તેની રક્ષા કરવા જતાં હસ્તલિખિત સાહિત્યના સર્જનમાં ભયંકર ઘટાડો થાય છે.
તીર્થોમાં સગવડ આપીને યાત્રિકોની સંખ્યા વધારો તો ય તીર્થોની તારકતા નષ્ટ થઈને તે બધા ય હવા ખાવાના હિલ-સ્ટેશન જેવા બની જાય છે.
મુનિજીવન પામીને સંસ્કૃતિરક્ષા માટે બહુમતવાદ આદિ ઉપર જ આધારિત થતી સંસ્થા વગેરે સ્થપાય તો ય તેમાં અંતે એવો કંકાસ જાગે છે કે એ સંસ્થા મરતી મરતી પણ પ્રભુશાસનને ધક્કો મારતી જાય છે.
મંદિરોના જીર્ણોદ્ધાર દ્વારા જીવંત કરાતી તેની કલાકારીગીરી એ જ મંદિરોની દર્શનીયતાને નષ્ટ કરે છે અને “પ્રદર્શનનું સાધન બની જાય છે.
ધર્મપ્રચાર કે સંસ્કૃતિપ્રસારની ધૂન વેગ પકડે છે ત્યારે ધર્મનો મૂળભૂત પ્રભાવ નષ્ટ થઈ જાય છે.
સ્થૂળ પરિબળો દ્વારા સંસ્કૃતિરક્ષા કરનારાઓના પોતાના જ જીવનમાંથી સૂક્ષ્મ પરિબળો નષ્ટ થવા લાગે છે.
આમ સંસ્કૃતિરક્ષા કાજે આપણે જે કાંઈ હાર્દિક અને વાસ્તવિક પણ પ્રયત્ન કરીએ તે ય અંતે તો સંસ્કૃતિનાશમાં જ પરિણમે, કેમકે લોખંડી વાતાવરણ ગોરાઓએ ચોમેર જમાવી દીધું છે.
જે સંસ્કૃતિચાહકને આ કટુ વાસ્તવિકતાનું દર્શન થાય તે શું નીરો બનીને ફિડલ બજાવશે ? શું તે “સબસલામતીની સાયરન વગાડશે ? અફસોસ !
ખેર, પણ તો ય આપણે હતાશ થઈ જવાની કશી જરૂર નથી. આર્યાવર્તની સંસ્કૃતિનો થઈ ચૂકેલો મહાનાશ જ આપણામાં તીવ્ર આશાવાદ પૂરે છે.
| વિકૃતિઓને હટાવવાનું અશક્ય નથી આર્યાવર્તની આ મોક્ષમૂલક ધર્મપ્રધાન સંસ્કૃતિ હજારો વર્ષોથી જીવંત રીતે આ ધરતી ઉપર છાઈ ધર્મ તો મારો સ્વભાવ છે
જૈન મહાભારત ભાગ-૨
૧૧૯
