________________
પણ અફસોસ ! તેમાં આબાદ રીતે ગોઠવવામાં આવેલી છટકબારીઓના કારણે એ અમલ ધરાર નિષ્ફળ ગયો છે અને હવે તો કરોડો રૂપિયા કમાવી આપતો હોવાથી દારૂનો ધંધો સરકારે પરમિટો આપીને ચોફેર વિકસાવ્યો છે. દારૂબંધીનો અમલ લગભગ દૂર થઈ ગયો છે.
પૈસા ખાતર પ્રજાને દારૂ પાતી સરકાર ! ભારતના વડાપ્રધાનને જો દારૂપાન કરતાં કુટુંબોમાં થતી કારમી મારપીટ જોવા મળે, ત્યાં કાયમી ઘર કરી ગયેલી ગરીબી નજરે દેખવા મળે, ત્યાંના બાળકોના ભૂખમરો અને નગ્નતા તેમની આંખે ચડે તો કદાચ દારૂના દૈત્યની ભયાનકતા સમજાય; જો તેમના હૈયે ભગવાન હોય તો.
ક્યારે આવશે એ દિન, જયારે હૈયે ભગવાનવાળો કોઈ ભારતના વડાપ્રધાન બનશે ? અને ગુપ્તવેષે ઝૂંપડપટ્ટીની દુનિયાના દર્શને નીકળશે!
રવીન્દ્રનાથ ટાગોરે દારૂ કેટલો ભયંકર દૈત્ય છે તે અંગે બહુ સુંદર દૃષ્ટાંતથી સમજાવ્યું છે, જે આ પ્રમાણે છે :
બે જિગરજાન મિત્રો હતા. એક ખૂબ સરળ હતો, બીજો અત્યંત ઈર્ષ્યાળુ હતો. પોતાના જિગરી દોસ્તના કૌટુંબિક સુખ-શાંતિને પણ તે જોઈ શકતો નહિ. એક વાર તેણે એ શાંતિમાં સળગતો પૂળો નાંખી દીધો.
તેણે તેના મિત્રને કહ્યું, “તું મારી એક વાત માન કે આજે ખૂબ દારૂ પી.” પેલાએ સાફ ના પાડી એટલે તે મિત્રે કહ્યું કે, તો બીજી વાત માન કે તું તારા બાપુજીને ખૂબ માર.”
તે વાતનો અમલ કરવાની પણ તે મિત્ર સાફ ના પાડી ત્યારે રિસાઈને ત્રીજી વાત માનવા માટે કહ્યું કે, “તારી વહાલી પત્નીનું ખૂન કર.”
હવે પેલો સરળ મિત્ર અકળાયો. તેણે તેને કહ્યું, “આજે તને થયું છે શું કે તું આવી નકામી વાતો મારી પાસે રજૂ કરે છે !”
ત્યારે પેલા ઈર્ષાળુ મિત્રે કહ્યું, “તારે જેમ કહેવું હોય તેમ તું કહે, પણ તારે તે ત્રણમાંથી કોઈ પણ એક વાતનો તો આજે અમલ કરવો જ પડશે. જો તેમ નહિ કરે તો હું તારી સાથેની મૈત્રીનો સદંતર ત્યાગ કરીશ.”
અને સરળ મિત્રે નમતું જોખીને દારૂ પીવાની વાત કબૂલ કરી. તેને લાગ્યું કે તેથી થોડો નશો ચડશે, બીજું શું થઈ જવાનું છે !
મિત્રે તેને પોતાના ઘેર ખૂબ દારૂ પાયો, પછી તેને ઘેર રવાના કર્યો. તેના બદલાઈ ગયેલા રંગ જોઈને માતાપિતા ખૂબ અકળાઈ ગયા અને તેને સખત ઠપકો આપવા લાગ્યા. પેલાથી તે સહન ન થયું. તે લાકડી લઈને માતાપિતાને જોરજોરથી ફટકારવા લાગ્યો. માબાપ ચીસો પાડવા લાગ્યા. તે સાંભળીને પડોશીને ત્યાં ગયેલી તેની પત્ની દોડી આવી. તેણે પતિને ઠપકો આપ્યો, તે વચમાં પડી. આથી પતિ ખૂબ ઉશ્કેરાયો. દોડીને રસોડામાંથી છરી લઈ આવ્યો અને પત્ની ઉપર હુમલો કરીને, વારંવાર છરીઓ મારીને તેને મારી નાંખી.
ઈર્ષાળુ મિત્રે જણાવેલી ત્રણેય વાતનો અમલ થઈ ગયો ! દારૂપાનનું એક પાપ બધા પાપોને ખેંચી લાવે.
ભારત સરકાર કહે છે કે દારૂ છૂટો મૂકવાથી અમને કરોડોની આવક થાય છે પણ તેને એ વાતનો ખ્યાલ કેમ આવતો નથી કે છૂટો મુકાયેલો પાંચ રૂપિયાનો દારૂ કોઈ રેલ્વે ફાટકનો સાંધાવાળો પીએ અને તેના નશાને કારણે ટ્રેનને તે ઝંડી બતાવવાનું ભૂલી જાય તો આવી એક જ ધર્મ તો મારો સ્વભાવ છે
જૈન મહાભારત ભાગ-૨
૧૯૬
