________________
યુગે યુગે પાટણની પ્રભુતા
૨૪૯
(૨)
હઝરત શયખ રૂકનુદ્દીન કાનશકર
પાટણમાં બાબા ફરીદના નામે મશહુર થયેલા આ મહાન બુઝુર્ગનું મૂળ નામ રુકનુદ્દીન ઉર્ફે બાબા ફરીદ હતું. આ અજોધન (પાક પટ્ટન-પંજાબ) નિવાસી હઝરત બાબા ફરીદ ગુંજશકરની અવલાદમાંથી છે. ખાનદાને ફારૂકી છે. આપનો નસબ હજરત શયખ બાબા ફરીદથી આ રીતે મળે છે. હઝરત શયખ રૂકનુદ્દીન બીન હ.ઇલ્મોદ્દીન બીન હ. અલાઉદ્દીન બીન બદ્દીન બીન હઝરત શયખ ફરીદ ગુંજશકર.
હઝરત શયખ રૂકનુદ્દીનનો જન્મ હિજરી સન ૭૦૭ માં પાટણમાં થયો. આપે શિક્ષણ તેમના વડવાઓ પાસેથી મેળવ્યું. ૨૫ વર્ષની ઉંમરે આપ ઇબાદત અને ખદા શનાસી તરફ વળ્યા. અને પોતાના પિતાશ્રીના મુરીદ થયા. ખિલાફત આપે હઝરત ઝાહિદ ચીશ્તી પાસેથી મેળવી.
હઝરત શયખને ‘‘સિમાઅ''નો ઘણો શોખ હતો. ‘‘સિમાઅ’’ના જલસામાં આપ બેહોશ થઇ જતા. આ વખતે ગુજરાતમાં ‘‘દ’’ નો રિવાજ જોર ઉપર હતો. આપના ‘“દર્સ’’માં ઘણા વિદ્યાર્થીઓ આવતા અને લાભ ઉઠાવતા. આપનું જીવન સાદું અને તવક્કલ ઉપર હતું. તેઓ કોઇ વસ્તુ સંગ્રહતા નહિ. તે એટલે સુધી કે એક વખત વઝુ કરવાનું પાણી પણ સંગ્રહતા નહિ. તેઓ હંમેશાં કહ્યા કરતાં, ખુદાએ અત્યારે પાણી આપ્યું છે બીજી વખત પણ જરૂર આપશે.
સુલતાન મહંમદ પહેલો આપનો મુરીદ હતો. હઝરત રૂકનુદ્દીન કાન શકર હિ.સ. ૮૪૨માં શવવાલ માસની ૨૨મી તારીખે રહલત પામ્યા. આપના જનાઝાની સાથે ઘણા લોકો હતા. પાટણના લોકો ઉપરાંત આજુબાજુના કસ્બા અને ગામડાઓમાંથી પણ લોકો આવ્યા હતા. આપનો મઝાર પાટણ (ઉ.ગુ.)માં સહસ્રલિંગ તળાવની સામે સરસ્વતી નદીના કિનારે આવેલું છે. અને સાર્વજનિક ઝયારત ગાહ છે. અને બાબા ફરીદના રોઝા તરીકે પ્રખ્યાત છે.
(3)
હઝરત શયખ અબ્દુલ લતીફ (રહ.)
આપનું નામ હઝરત શયખ અબ્દુલ્લતીફ (રહ.) હતું. અને કુન્નીયત સિરાજુદ્દીન છે. આપના પિતાશ્રીનું નામ હઝરત જમાલ હતું. તેઓ ખાનદાને ફારૂકી હતા. આપનો નસબ હઝરત શેખ મખદુમ હિસામુદ્દીનના ભાણેજ સદરૂદીન ઇબ્ને ઉમરથી અને હ. ઉંમર ફારૂક થી પ્રમાણે મળે છે.
હઝરત શેખ અબ્દુલ્લતીફ બીન શાહ જમાલ બીન સીરાજુદ્દીન બીન સદરૂદ્દીન બીન મુઝફ્ફર બીન સદરૂદ્દીન બીન મુહંમદ મુઝફ્ફર બીન ઝયનુદ્દીન બીન ફખરૂદ્દીન બીને ઝયનુલ આબેદીન બીન હુસેન બીન સુલેમાન બીન ઉસ્માન બીન મુહમંદ બીન તાહિર બીન હુસેન સાલબા બીન અબુલ ફતાર મનસુર બીન અબુ નસર મુહંમદ અબ્દુલ્લા ઉમર બીન અબ્દુલ રહમાન બીન અલી બીન રબીઅ બીન મુહંમદ બીન અબ્દુર્રહમાન બીન અબ્દુલ્લા બીન અબ્દુલ અઝીઝ બીન મુફતીઉલ સહાબા અબ્દુલ્લા ઇબ્ને અમીરુલ મુઅમેનીન હઝરત ઉમર ફારૂક.