Darshanachar

Author(s): Yugbhushanvijay
Publisher: Gitarth Ganga

Page 11

માટે ઊંચું, સારું શું? તે બાબતમાં સુનિશ્ચિત બનો. દેવ-ગુરુ-ધર્મની શોધ-પરખ કરી, તેમની બાબતમાં નિઃશંક બનો.
કે તમે આ દર્શનાચાર પામી ગયા છો? સાચા-સારાની શોધ કરી તે બાબતમાં નિશ્ચિત છો? અમારે ત્યાં શંકાના પણ પ્રકાર પાડ્યા. ઘણાને થાય કે શાસ્ત્ર કોણે રચ્યાં? બધા મહારાજ સાહેબ જુદું જુદું બોલે છે. ધર્મમાં પણ મતભેદો-વિચારો ઘણા છે. તેમાં આપણે શું માનવું? વગેરે ભાવો થાય છે. ધર્મક્ષેત્રમાં શંકા-કુશંકાના વિકલ્પો છે, તે બધાને પાર પામી ગયા છો કે તેમાંથી કોઈને કોઈમાં ફસાયેલા છો? તમારામાં નિઃશંકપણું આવશે તે દિવસે ધર્મનો સાચો પાવર આવી જશે. કેમ કે દેવ-ગુરુ-ધર્મનો નિર્ણય, નિશ્ચયપૂર્વકની શ્રદ્ધા કરી હોય પછી વિશ્વાસ-દઢતા કેટલાં હોય? પ્રસંગે કહે, આ જ શરણ છે. આ સિવાય તરવાનો કોઈ. માર્ગ નથી. અત્યારે તમારા માટે ગતિ-મતિ-આલંબન બધું ભગવાન જ છે? નિઃશંકપણું આવશે ત્યારે જ આ બધું તમારામાં ઘટશે.
આ આઠ પ્રકારનો દર્શનાચાર જેનામાં ન હોય તે કદી સત્ય ધર્મનો સાચા અર્થમાં ' ઉપાસક હોય જ નહિ. સત્ય ધર્મના સાચા ઉપાસકની ઓળખ આ આઠ પ્રકારના દર્શનાચારમાં જ આવશે. જેનામાં દર્શનાચાર નથી પ્રગટ્યો એવાએ તો ઉપાસક બનવાની હજી મહેનત કરવી પડે. આઠમાં પહેલા ચાર ભાવાત્મક છે, પાછળના ચાર પ્રવૃત્તિપ્રધાન છે. ઉપબૃહણા, સ્થિરીકરણ, વાત્સલ્ય, પ્રભાવના આ ચારમાં આચાર-પ્રવૃત્તિ આવે. ઉપબૃહણા=પ્રશંસાપ્રોત્સાહન. સાચો ધર્માત્મા જગતમાં ક્યાંય પણ જાય તો સાચા-સારાને તેના દ્વારા પ્રોત્સાહન મળે, ખોટાને તેના દ્વારા પ્રોત્સાહન મળે જ નહિ. કુટુંબ-ઘરમાં પણ તમે કોની વધારે ઉપબૃહણા કરો? જે વધારે ગુણીયલ-સદાચારી હોય તેની જ વધારે ઉપબૃહણા હોય, કે કોઈ ડીગ્રીવાળો હોય, ખૂબ કમાતો હોય, સમાજમાં પણ ખોટાં કામ કરી આવતો હોય તેની ઉપબૃહણા હોય? સાચા ધર્માત્માનું જીવનના દરેક ક્ષેત્રમાં માનસ કેવું હોય તેની વાત છે. તેની સાથે તમારું મેચીંગ ક્યાં છે તે જુઓ. વેપાર, જાહેરજીવન દરેકમાં તમારી ઉપબૃહણા સાચી જગ્યાએ ન હોય તો સીધો દર્શનાચાર તૂટવાનો. વળી આ એવો યુનિવર્સલ એથીક્સ(વૈશ્વિક સદાચાર) છે કે જગતના સાચા-સજ્જન વ્યક્તિને તેમાં વાંધો જ ન હોય.
આ આઠે પ્રકારના દર્શનાચાર જીવનના તમામ પાસામાં ટેલી કરવાના છે. તમે દર્શન-પૂજા કરો છો પણ દર્શનગુણના સાધક દર્શનાચારને પામ્યા છો કે નહિ? સદ્ધર્મના ઉપાસક બન્યા છો કે નહિ તે વિચારવાનું છે.
સભા -ઓઘથી દર્શનાચાર હોઈ શકે? સાહેબજી -આ ઓઘથી દર્શનાચારનું વર્ણન છે ને? ઓઘ એટલે સામાન્ય. તમારા જીવનમાં ગુંડાઓ, બદમાશ, પાપી, અધર્મીને પ્રોત્સાહન મળે તેવું વર્તન-વિચાર હોય, તો ઓઘથી દર્શનાચારમાં આવવાનો? કે દર્શનાચારમાં કલંક આવે?
સભા - તેના માટે પણ જ્ઞાન જોઇએ ને? સાહેબજી -બધાં શાસ્ત્રો કે બધી તત્ત્વની વાતો સમજતો ન હોય, પણ સામાન્યથી ભગવાનના ક ક લ ક ક લ ક ક ક ક ક દરગાચાર)