________________
ધોળે દિવસે તારા દેખાડે! તે વખતે અમે પણ વળગી ન રહીએ તો શું થાય? સારા માણસો પણ પ્રસંગે ખોટા પક્ષમાં ખરું માની બેસી જાય, તો જગતમાં સાચા ધર્મનું સ્થાન કેવી રીતે રહે? માટે સાચો ધર્મ પામેલાના જીવનમાં પ્રશસ્ત ઉપબૃહણા જ જોઇએ અને અપ્રશસ્ત ઉપબૃહણા ન જ જોઈએ. તે મહાપાપનું કારણ છે તેમ સમજી તેને તિલાંજલિ આપવી જોઇએ.
ઘરે જઈને વિચારજો કે અપ્રશસ્ત ઉપબૃહણા ક્યાં ક્યાં કરીએ છીએ. પણ તમે તો ગમે ત્યાં જાઓ ત્યાં કામનો માણસ લાગે તો વખાણ કરી લો ને?
સભા - અમારું પુણ્ય ઓછું હોય કે બીજાને સાચું-સારું કહી શકીએ તેવી સ્થિતિમાં ન - હોઈએ તો શું કરવું? સાહેબજી - તે વખતે સાચું યોગ્ય રીતે ભલે કહી ન શકો, પણ ખોટાને સમર્થન તો ન જ અપાય. શાસ્ત્ર કહે છે, શિથિલાચારી સાધુ હોય તેને તમે રોકી શકો, કંટ્રોલ કરી શકો તો મહેનત કરવી જોઇએ, પણ પુણ્ય ઓછું પડતું હોય તો તમે તેનાથી દૂર રહો, ઉપેક્ષા કરો; પણ તેને સમર્થન તો ન જ અપાય. સમર્થન-પ્રોત્સાહનનો વ્યવહાર કરો તો પેલાના પાપની અનુમોદના દ્વારા-ગુણાકાર દ્વારા મહાપાપ તમને બંધાય. તમારો દીકરો હોટલમાં જતો હોય તેનું સમર્થન કરો તો, ઘણીવાર તેના કરતાં વગર ખાધેપીધે તમને વધારે પાપ લાગી જાય. વળી ઘણીવાર સમર્થનમાં એવો ભમરડો વાળે કે તેનાથી બંધાયેલાં કર્મો ઉદયમાં આવે ત્યારે આત્મા ભોગવી ભોગવીને થાકી જાય. માતાપિતાનો દીકરા પર Control(કાબુ) રહ્યો નથી, છતાં એમના જીવનમાં દીકરાના ગેરવાજબી વર્તનનો અવસરે વિરોધ તો આવે જ ને? હા, ઊલટું પરિણામ ન આવતું હોય તો કડકાઈથી બોલવું જ પડે અને સમર્થન તો ન જ કરાય.
વ્યાખ્યાન ઃ ૭.
તા. ૨૮-૦૧-૯૮, પોષ વદ અમાસ, ૨૦૫૪, બુધવાર
અનંત ઉપકારી અનંત જ્ઞાની શ્રી તીર્થંકર પરમાત્મા જગતના જીવોને સર્વાગી સમ્યમ્ ધર્મનો પ્રબોધ કરાવવા આ ધર્મતીર્થની સ્થાપના કરે છે.
પરમાત્માના શાસનમાં ધર્મનું જે સ્વરૂપ બતાવ્યું છે, તે સર્વાગી સમ્યગુ ધર્મનો બોધ કરાવવા પરિપૂર્ણ હોવાથી જીવનના પ્રત્યેક પાસાને સ્પર્શે છે. અત્યારે ઘણા એવું માને છે કે, ધર્મ એટલે ધર્મસ્થાનકમાં રહી આચરવા લાયક શુભપ્રવૃત્તિ; પણ તે ખોટી ગેરસમજ છે. હકીકતમાં ધર્મ એટલો વ્યાપક છે કે, તમારા જીવનનું એવું એકેય પાસું નથી કે જેને ધર્મ સ્પર્શ ન કરે. જીવનના દરેક ક્ષેત્રમાં સાચું માર્ગદર્શન આપવું તે ધર્મનું ધ્યેય છે. અત્યારે ઘણા કહે છે કે, ધર્મગુરુએ ધર્મની બાબતમાં ઉપદેશ આપવાનો, બીજી બાબતોમાં માથું ન મારવું જોઇએ. અમારે સંસારમાં, કુટુંબમાં કેવી રીતે જીવવું તે માટે સાધુએ માથું ન મારવું જોઈએ. પરંતુ તમારા સામાજિક ક્ષેત્રમાં અને કૌટુંબિક ક્ષેત્રમાં પણ ધર્મની આજ્ઞા શું અને ધર્મ શું અનુશાસંન આપે છે, તે કહેવાની અમારી ફરજ ખરી કે નહિ?
& ક ક ક ક ક ક ક ક
૪૪
ક ક ક ક ક મક(
ગ્રાચાર)
