________________
એ કે અશુભનું ફળ અશુભ અને શુભનું ફળ શુભ તેમાંજ તમને વિશ્વાસ નથી; અને આ ન હોય તો ત્રીજો અતિચાર કાયમ લાગ્યા જ કરે.
જેટલો પણ જૈનશાસનનો ધર્મ છે તેમાં કોઇ ખરાબ પ્રવૃત્તિ બતાવી જ નથી. એક પણ અનુષ્ઠાનમાં એવું નહિ હોય જેમાં બીજા જીવનું બગાડવાનું હોય. કોઇના પણ પ્રત્યે ખરાબ ભાવ, દુષ્ટ વર્તન કરવાનું ધર્મ સૂચવે છે? ધર્મ દ્વારા તમારે સારું કામ જ કરવાનું છે. તમારા જીવનમાં ધર્મનું આચરણ આવ્યું એટલે સુકૃતનું આચરણ આવ્યું. સદ્વર્તનવાણી-વિચાર તે જ ધર્મનું મૂળભૂત સ્વરૂપ છે; છતાં ધર્મ કરવાથી લોકો દૂર દૂર ભાગે છે અને જે ધર્મના ક્ષેત્રમાં આવે છે, તે પણ પૂરેપૂરી સામગ્રી-શક્તિ ધર્મમાં રોકવા તૈયાર નથી. તમે ૫૦% શક્તિ પણ તેમાં રોકો છો? ના, કેમ કે ફળમાં વિશ્વાસ નથી. તેનો અર્થ એ કે જીવનમાં પૂર્ણરૂપે દર્શનાચાર આવ્યો નથી. પાયાનું ગણિત જ બેઠું નથી.
અત્યારે ૧૨ મહિનાના બાળકને ટી.બી., કેન્સર થતું હોય છે. આમ જુઓ તો થાય કે આ ભવમાં તો કોઇનું ખરાબ નથી કર્યું, છતાં આવું ફળ કેમ મળ્યું? પછી Rule of causalityકારણતાનો સિદ્ધાંત) વિચારો તો ખબર પડે. અરે! તમારા જીવનમાં પણ એવું બન્યું હોય કે, તમારો કાંઇપણ વાંક ન હોય, છતાં તમે કૂટાઈ ગયા હો? અરે! કુટુંબીઓથી પણ અસંતોષ છે? ખરેખર તમને કોઈ અન્યાય કરતું હોય તો તેનું કારણ તો વિચારવું પડે ને? તે શું? ભૂતકાળમાં આપણે કોઇનું ખરાબ કર્યું છે. સારાનું ફળ સારું, ખરાબનું ફળ ખરાબ; તે તો ડગલે-પગલે વિચારવું પડે. સમકિતીને તો એવી શ્રદ્ધા હોય છે કે, મેં આ ધર્મ કર્યો તેનાં આ બધાં ફળ; ભૌતિકદષ્ટિએ, આત્મિકદષ્ટિએ, પરલોકની દૃષ્ટિએ, આલોકની દષ્ટિએ એમ બધાં ફળ દેખાય. દર્દીને ડૉક્ટર, diagnosis(નિદાન), દવા પર વિશ્વાસ હોય તો કેટલા વિશ્વાસથી દવા લે. તે ન હોય તો દવા લે તો પણ અંદરમાં કેટલો રઘવાટ હોય. શાસ્ત્ર કહે છે, ધર્મના ફળમાં જેને વિશ્વાસ નથી તે ધર્મ કરતી વખતે
wavering Mind(ચંચળ મનોવાળો જ હોય(સ્થિર મનવાળો ન હોય). આંશિક વિચિકિત્સા કેવી હોય? તો કહે “શાસ્ત્રમાં કઠોર સાધનાનું વર્ણન છે, તે તો મહાપુરુષો કરી શકે. આપણે તો મામૂલી ધર્મ કરીએ છીએ. તેનું ફળ મોક્ષ નથી”. હવે ઊંચો ધર્મ કરવાની તાકાત નથી અને કરીએ છીએ તેનું ફળ નથી, તો ધર્મને મૂકો પડતો; આવું થાય તો પણ દર્શનાચારનો વિચિકિત્સા અતિચાર લાગી જાય.
સભા - ધર્મમાં શ્રદ્ધા બેસે તેવું કાંઈ દેખાય તો ધર્મ સારી રીતે કરીએ. સાહેબજી - શ્રદ્ધા બેસે તેવું તો ડગલે ને પગલે દેખાય છે. આ ૬૭ વર્ષના થયા. જમ્યા ત્યારથી અહીં સુધી પહોંચ્યા ત્યાં સુધી તમારી હોશિયારીથી પહોંચ્યા? તમારા કરતાં કેટલાય નાના સંસારમાં ક્રિપલ્ડ થઈ રહ્યા છે, કે કેટલાય ઊપડી ગયા છે, તેમાં કારણ શું? ૬૭ વર્ષ સુધી પહોંચ્યા કઈ રીતે? તમારા જીવનમાં કાંઈ જોખમ આવ્યાં જ નહિ હોય? તે વખતે બચાવ્યા કોણે? રોડ ક્રોસ કરતા હોય ત્યારે તમારા કરતાં વધારે સાવચેતીથી ચાલનારા હડફેટમાં આવી ગયા અને તમે હડફેટમાં ન આવ્યા, તો તે તમારી હોશિયારીથી? બુદ્ધિના દરવાજા બંધ રાખો તો કાંઈ સમજ ન પડે. તમારું હાર્ટ બરાબર ફંકશન કરે છે, કેટલાયનું બંધ પડી ગયું, જ ક ક ક ક ક ઝ ૧૬ ગ્રીક ચક ચક (નાચાર)
