________________
કારણોથી તેમને પ્રભુ શ્રીમહાવીરદેવની ઉપર બહુમાન સહિત બહુ જ ભક્તિભાવ હતો.
‘‘બાળા! ધમ્મો' પ્રભુ દેવની આજ્ઞા પ્રમાણે વર્તવામાં જ ધર્મનું ખરું રહસ્ય રહ્યું છે. તથા ‘‘વિળયમૂનો ધો’' ધર્મરૂપી કલ્પવૃક્ષનું મૂળ વિનય છે. વિનયથી ચૂકેલા આત્માઓ સર્વ પ્રકારે ધર્મારાધનથી ચૂકી જાય છે એટલે વિનયી. આત્માઓ જ જિનધર્મની સાત્ત્વિકી સંપૂર્ણ આરાધના કરી શકે છે. જિનદેવ વગેરેને ઓળખાવનાર અને તેમના પ્રત્યે ભક્તિભાવ પેદા કરાવવો વગેરે સ્વરૂપે અનહદ ઉપકારોના કરનારા, આરાધક બનાવી સંસારસમુદ્રનો પાર પમાડનારા, શ્રી ગુરુ મહારાજ જ છે. આવાં આવાં ઘણાં પવિત્ર જીવનસૂત્રોને અસંખ્યાતા આત્મપ્રદેશે ઓતપ્રોત કરનારા શ્રીગૌતમ ગણધર છઠ્ઠ છઠ્ઠ તપના પારણે પણ પ્રભુદેવની આજ્ઞા લઈ ને ગોચરી લેવા જાય. પ્રાયે ઘણીવાર પ્રભુદેવને આહાર વગેરે વપરાવીને જ પારણું કરે. અવધિજ્ઞાનનો નિર્ણય કરવામાં અને પોતાના દીક્ષિત કેવલી સાધુઓને કેવલજ્ઞાની તરીકે જાણવામાં પ્રભુના કહેવાથી ભૂલ જણાતાં તરત જ ખમાવે. આવા આવા શ્રીગૌતમ ગણધરના અનેક જીવનપ્રસંગો હૃદયમાં ઉતારી મનન કરનારા જીવો જરૂર નિગુણરમણતા વધારી સ્વપરતારક બની શકે છે.
આ રીતે મુખ્ય પ્રશ્નકાર શ્રીગૌતમ ગણધરની બીના જણાવીને હવે બીજા પ્રશ્નકારો અંગે જરૂરી બીના જણાવું છું. શ્રીઅગ્નિભૂતિ, વાયુભૂતિ અને મંડિતપુત્ર આ ત્રણ ગણધરોએ પણ પ્રભુ શ્રી મહાવીરદેવને અવસરઉચિત પ્રશ્નો પૂછી પોતે પદાર્થ-સ્વરૂપ જાણ્યું છે ને બીજાને પણ તેવો બોધ કરાવ્યો છે. એવી રીતે માકન્દીપુત્ર, રોહક મુનિ અને જ્યંતી શ્રાવિકા વગેરે ભવ્ય જીવોએ પણ પ્રભુદેવને પ્રશ્નો પૂછી ધર્મબોધ મેળવ્યો છે. આમાંથી સમજવાનું એ મળે છે કે પ્રશ્નો પૂછવાનો અધિકાર એકલા જૈનોનો જ નથી, પણ જૈન કે અજ્જૈન કોઈ પણ પ્રશ્નો પૂછી શકે છે. જયંતી શ્રાવિકાએ પૂછેલા પ્રશ્નોના જવાબમાં જે કહ્યું તેનો ટૂંક સાર એ છે કે જે ભવ્ય જીવો પરમ ઉલ્લાસથી શ્રી જિનશાસનની સાત્ત્વિકી આરાધના કરે છે તેઓ જાગતા સારા છે. એટલે ધર્મી જીવોનું જાગતું સારું ગણાય. અધર્મીનું જાગવું સારું ન ગણાય. કારણકે જાગતા એવા ધર્મી જીવો ધર્મસાધના કરી મોક્ષમાર્ગને આરાધે છે, ને અધર્મી જીવો જાગતા હોય તો તેઓ પાપનાં કર્મો કરે છે. એ પ્રમાણે ધર્મીનું પંડિતપણું સારું વગેરે બીના પણ સમજી લેવી. આવી પ્રશ્નોત્તરની પદ્ધતિ બાલ જીવોને પણ સહેલાઈથી ને થોડા સમયે પદાર્થ તત્ત્વનો
શ્રી ભગવતીસૂત્ર-વંદના
૩૬
